رباعيات ميت

اوعاك ياميت في يوم تقتل مشاعرك
او تدفنها لما محدش يسمعلك
هترجع من جديد وتفوق من جديد
ومشاعرك دي هي اللي هتساعدك
..................

صحيت من نومي في يوم مفزوع
علي صوت صراخ وانين موجوع
ببص جنبي لقيت مرايا
وفيها صورة قلبي بينزف مخدوع
.......................

واحد وقوت عليه صاحبي
والتانيه قولت هتشاركني فرحي
لكن الاتنين طلعوا في النهاية
مبيعجبهمش الا جرحي
......................

ورده في بستان مفيش في جماله
رحت اقطفها ومحدش واخد باله
لكن سمعت قلبي بيقولي لا
مليش حبيب عشان ادهاله
........................

منين م بروح في طريقي احزان
الفرح قليل والقلب بالدموع مليان
تعبت خلاص ونفسي حد يقولي
العيب فيا ولا في الزمان
........................

ماشي في بلاد الحب سواح
شوفت افراح كتير وجراح
لكن لقيت في النهاية
لا اللي حب واللي محبش مرتاح
................................

نسمه جميلة جات خدتني وطارت بيا
وفوق النجوم قالتلي هتحقق امانيا
فجأه سابتني ووقعت من فوق
صحيت لقيت نفسي لسه عايش في الدنيا ديه
............................

قلبين اجتمعوا علي الحب والوفا
دلوقتي خلاص مليانين كره وجفا
ياتري اللي كان بينهم حب
ولا كذب ودلوقتي اختفي
............................

خرجت ببص في وشوش الناس واتجول
لقيتها جامده وقربت تتحول
سالت نفسي هما ماتوا ؟؟
ولا ده اساسا جواهم من الاول
.............................

عابر سبيل في البلاد بشوف احداث تغم
بلف واطوف ادور علي حضن يضم
لفيت كتير ورجليا تعبت من المشاوير
لكن ملقتش عليا احن من حضن الام
..............................

ميت والبسمه علي وشي مبتترسمش
محتاجة حلم والا في قلبي متدخلش
بس البسمه غايبة عني بقالها كتير
اصل الاموات عاده مبتحلمش
..................................

وعجبي
مع الاعتذار لصلاح جاهين

اللي بيحصل ده تهريج

..بقالي فتره مبكتبش وممسكتش قلم بايديا ...

..ودلوقتي يوم م اكتب بقت كتاباتي حزينه وانهزامية...

..طول عمري شاب بيضحك والبسمه دايما في عنيه ..

دلوقتي خلاص بقت الاحزان هيا اللي فاضله ليا

...لا اللي بيحصل ده تهريج..

...من امتي وانا بالمنظر ده معروف..

...وسط صحابي ومعارفي و من امتي بقي صاحبي الخوف..

.. والدموع في عينيا بتلف وتطوف..

..لا اللي بيحصل ده تهريج ..

..انا لوفضلت علي كده هخسر كتير..

..سواء صحاب ووقت او حتي تفكير..

..وقبل ده كله نفسي هيصيبها التغيير ..

..وده اللي خايف منه يكون ..

..واصبح في الاخر شبح مجنون ..

..يفضل لابس ثوب الاحزان ..و وشي مش عليه اي لون ..

.لا اللي بيحصل ده تهريج..

..مش هسمح لنفسي اكون من الاموات ..

..لازم انا اللي ادفن واردم علي اللي فات ..

..وارجع من جديد وانسي الم الذكريات..

...عارف !! هتقولي م انت اللي دخلت عالم الاموات برجليك ..

..و في قالب الاحزن والياس نفسك حطيت..

..و دفنت نفسك بنفسك و بايديك..

عارف يا سيدي كلامك و انك هتقوله من تاني ..

..بس اعمل ايه لقيت العالم اللي حواليا اناني..

..مفيهوش غير الغش والخداع ..

..ايه اسيب بقي نفسي لجناني !!..

..خلاص ده كان عصر وفات من زمان ..

..ومش هسيب نفسي للجنان ..

..وهرجع وهقتل الاحزان..

..لان ده كان لازم هيحصل في يوم ..

..وكان لازم ارحم نفسي من الالم واللوم ..

..ومن مقبرتي كان..

......لازم لازم لازم اخرج واقوم....

...لان اللي كان بيحصل ده تهريج