مسافر كمان ساعة وقاعد بفكر كده اكتب بوست قبل السفر عشان فيه حد عزيز كان بيسالني ياتري هتكتب حاجة ولا لا قبل لما اسافر وقولتله اني دماغي فاضيه ومش بقيت عارف اكتب في المدونة بس مرديتش اسافر قبل لما اعيد عليكم
كل سنه وانتوا طيبين وبالف صحه وسلامه ويجعل العيد عليكم مليان هنا وسعاده وحب وتسامح وفجأه
نطت في دماغي جملة كنت بسمعها كتير في المسلسلات ولا في الحياه
يا عم سامح ده ربنا بيتوب علي العبد وبيسامح انت مش هتسامح ؟؟!!
وهنا سألت نفسي هو فعلا الانسان ممكن مش يسامح حد علي حاجة عملها ؟
ممكن؟
ليه م الناس بتقول اذا كان ربنا بيسامح الانسان وبيغفر له خطاياه بمجرد م بيتوب اليه ويندم عليها سواء كان سارق -كافر- زاني ايا كان انت مش هتسامح؟؟
اه ممكن اصل السماحه دي صفه من صفات الله سبحانه وتعالي وهي الغفران واسم من اسمائه وهو الغفور
الانسان بقي ساعات مبيقدرش يسامح لانه انسان مش إله
طبيعه النفس البشريه دايما كده بتحوم حوالين الاختلافات والتناقضات سواء في الشخصيه او التربيه او التفكير والاسلوب
ومن ضمنها دي التسامح
مهما كنت ايه ووصلت لدرجه من الحكمه والعقل والتمسك بالدين هتلاقي ان فيه حاجات لو حصلت متقدرش تسامح فيها اللي عملها
ممكن نقول تقدر تسامح وتعفو عما سلف ومتبقاش شايل من ناحيته خلاص لكن عمرك م هتقدر ترجع انت وهو زي الاول تاني
الزوج اللي زوجته خانته وطلقها و ندمت وتابت و و و عمره م هيرجعها لعصمته من جديد دايما هيحس ان فيه حاجة اتكسرت خلاص مينفعش تتصلح و اكتر شيء ممكن يقدمه انه خلاص يعفو عما سلف وميبقاش فيه ضغينه بينهم
الصاحب اللي صاحبه خانه و باعه بالرخيص عمره م هيقدر يؤتمنه علي سر تاني حتي ولو سامحه وخلاص مش شايل منه
اصل دي طبيعه بشريه يا ساده صفاء النفس بالمنظر اللي انا بفكر فيه شيء صعب جدا او شبه مستحيل
وفيه مستحيلات كتير وانا رجل اؤمن بالمستحيل لان بالطبع هناك مستحيلات ولا اؤمن بجمله مفيش حاجة مستحيله لا فيه
المستحيلات مختلفه وبتتفاوت من نظره لاخري
اقدر اقولك ان مستحيل الانسان يعيش من غير اكسجين صح ؟
مستحيل ان السمك يعيش بره الميه وعلي الارض؟
ده مش مستحيل ؟؟ اه مستحيل
وفيه مستحيل تاني نسبي
يعني؟؟
يعني انك لو فكرت فيه من منظور واحد هتلاقيه مستحيل ومن منظور تاني هتلاقي الاستحاله اختفت واصبح شيء سهل
زي؟
صعود القمر زمان كان شيء مستحيل لكن حاليا بقي مش مستحيل خلاص وناس طلعت وناس راحت وجت
ده نسبي حسب الزمان والمكان لكن فيه مستحيلات مش هتتغير مهما اتغير الزمان والمكان وعشان كده فيه مستحيلات وانا اؤمن بيها
والتسامح الخالص ده واحده منها
معلش بوست ملخبط بقالي كتير مش بدون وحبيت بس اعيد عليكم واشاركم كام فكره هبله جت في دماغي قبل لما اسافر وتقريبا دي تخاريف من قله النوم ههههههههههههههههه
يلا اشوفكم علي خير ان شاء الله
والي لقاء قريب
:)
6 comments:
Happy 3id
انا المقولة دى الصراحة مش بتفق معاها
ربنا بيسامح ايوة لكن مين
اللى فعلا بيندم على الذنب مش يكون ندم مش صادق
و طبعا ربنا اعلم منا بانفسنا
لكن احنا كابشر هنعلم منين اذا كان فعلا ندم صادق ولا لأ ؟؟؟
اما موضوع المستحيل انا معاك فعلا ان مش الكل هيقدر يسامح فى كل حاجة
لكن بردو فى ناس قدرت فعلا انها تزرع التسامح فى قلوبها للجميع.. هما اى نعم نادر لكن موجودين لسه
و مدام فى فرد واحد على الاقل فيه الصفة دى يبقى ماينفعش نقول انه مستحيل .. هى بس محتاجة اجتهاد و ممكن الواحد يوصل ليها
و كل سنه و انت طيب
و ان شاء الله ترجع بالسلامة
^_^
كل عام وانتم بخير
تمنياتي بقضاء عيد سعيد:)
زي الهوا
عيد سعيد عليكي وعلي الامه الاسلاميه كلها ياااااااااااارب
سويت فيلوليت
انا عارف ده بس مشوفتهمش وعارف ان مش معني ان مشوفتهمش ان ده مستحيل يعني لكن فعلا صعب انا بقول النفوس عادي بتصفي لكن بيبقي برضه العقل مش قادر يسامح وكل سنه وانتي بالصحه والسلامه والحمد لله رجعت خلاص :)
قصقوصه
وتمنياتي انه يكون عدي عيد سعيد عليكي :)
Post a Comment