Stop it

لما تحس ان التصرفات والاسلوب والاوضاع بقت مستهتره وان تكبير دماغك مره في مره بيخلي الموضوع مش يعدي ...لا ده انه يتكرر مره واتنين وتلاته يبقي لازم تاخد وقفه وتوقف كل ده وتعبر عن انك رافض الاستهتار ومش هتسمح بيه تاني ولازم يتحط له حد 

 

كنت لازم اعرف ان الاحلام مش زي الواقع ووقت الجد الاحداث بتتغير ..مهو  عشان كده الاحلام اتقال عليها احلام والواقع هو الواقع

صحيح ممكن نخلي الاحلام حقيقة او بمعني اصح نحقق الحلم في الواقع لكن لما نبقي فعلا عاوزين نحقق ده ونقدر ده

انا اكتشفت ان فيه كلام كتير ممكن يتقال وميتحققش ووقت الجد كل ده بيتغير وده مبيحصلش

ولما تحس انك بتهري وتنكت في نفسك وتحرق في اعصابك ودمك عشان حاجة معينه ونفسك تحققها في اقرب وقت وكنت فاكر ان الحلم اللي بتحلمه ممكن يتحقق في الواقع بابسط الامور وتكتشف ان ده مش حقيقي وان لازم عشان تحقق الحلم ده يكون معاك كل المقاومات الفظيعه الرهيبة عشان تحقيقه فتتصدم وتحس انك عبيط موهوم كنت فاكر الدنيا حلوه وبسيطه وان حلمك انت وحياتك غير اي حد ..بالعكس ممكن كمان تبقي احسن من اي حد وممكن تحقق حلمك زي م انت حلمت بيه 

لكن طلع العكس صح ان معظم الاحلام دي مبتتحقش علي الواقع
 

معلش كلامي مبهم كالعاده بس اللي قدر يفهم منه حاجة يفهم واللي ميقدرش معلش 

سلام 

كفااااااااااااااية

كفاااااااااااااااااااااااااااااااااااااااااااااااااااااااااااااااااية انا ااتشرخت خلاااااااااااااص وقربت اتكسر 

:(

اصله مش كلام وخلاص

ساعات كتير بنشوف ناس بتتكلم علي حاجات فيها ولا افعال بتعملها وبتبقي مجرد كلام وخلاص والفكره ان الاشخاص التانين بيصدقوا ده وبيقتنعوا بيه وبيمنوا نفسهم ان الحاجات دي تطلع صح سواء مشاعر ولا افعال ولا حتي صفات في الشخص اللي بيتكلم 

لكن اللي بيحصل انهم بيتصدموا في النهاية ويطلع ان كل ده كلام وخلاص 

ايا كان ايه هو الكلام وايه هو الحديث اللي بيدور وايه المحتوي وايه الموقف بس الدنيا مش كلام وخلاص والحياه مش مجرد كلام وخلاص

الانسان بيحب يشوف فعل وتصرفات تدل علي صدق الشخص اللي قدامه 

حتي المشاعر والاحاسيس مش مجرد كلمتين بنقولهم وحتي الحب برضه مش مجرد كلمه بتتقال بين اتنين ومش مجرد رسايل حب وسهر الليالي ورغي في التليفون  ومش حتي مشاعر بين اتنين

الحب تصرفات بتبين للشخص اللي قدامك قد ايه بتحبه والمشاعر اللي انت بتكنها لاي شخص ايا كان هو مين مش مجرد كلام بيتقال ولا حتي مشاعر لازم تتحس ساعات كتير بنبقي محتاجين نشوف حاجات تدل علي مشاعر الشخص التاني ده لينا  افعال تثبت ان مشاعرنا دي حقيقة مش مجرد كلام 

اصل البني ادم مواقف مش مشاعر والمواقف بتبين المشاعر دي وتصرفاتنا فيها بتبين اذا كنا فعلا صادقين ولا مش صادقين 

الدنيا مش كلام وخلاص مش كلمتين الدنيا ناس وتصرفات مبنيه علي مشاعرنا واللي جوانا مش مبنيه علي الكلام 

سلام :)

shattered

it slipped from your hand, hit the ground and now it's shattered

كل سنة وانتوا طيبين ورمضان كريم

اللهم امييين

:)

كيان

في يوم خدني الحنين والذكريات..

وقعدت افتكر كل اللي فات..

 ووقفت علي شط احزاني ..

ابص واعيد ذكرياتي من تاني.

. لقيتني قبلك كنت غريق..

. كنت وحدي من غير صديق..

 كنت تايه وسط عتمة الطريق

من غير امل.. من غير حياه..

وكان ضياعي محتمل..

ويأسي وصل لمنتهاه..

لقيتك فجأه انتي الامل .

وكنتي ليا طوق النجاه

.عرفت منك معني الحياه..

وبحبك محيتي احزاني

ورجعتي ضي حياتي من تاني

وبقيتي بالنسبالي كيان

كيان مليان حب وحنان

وضحك وطيبه

غريبه..!!!

 اني معاكي بنسي الدنيا

بنسي اسمي بنسي نفسي

 بحس اني في دنيا تانيه

دنيا فيها الساعات والدقايق بتبقي ثانيه

ثانيه في بعادك حبيبتي مش بس ثانيه

دي سنين تعدي في شوق ونار

وتعب حبيبتي من الانتظار

وايام تعدي ليالي ..من غير نهار

لو يوم مسمعتش فيها ضحكتك

ولا شوفت فيها بسمتك

لانك انتي شمس النهار

ومن غيرك كياني يبقي انهيار


To My Fiance 
:)