Friday, 28 September 2007
ماذا تريدين ؟؟
Posted by Dr Gad at 2:34 pm 9 comments
Labels: خواطر ميت
Tuesday, 25 September 2007
انعزال
Posted by Dr Gad at 8:36 pm 6 comments
Labels: خواطر ميت
Sunday, 2 September 2007
رحلة الأحلام
قولت اشد الرحال لبلاد الخيال.. بلاد فيها الحب مبيتقاسي بالمكيال
و الكره والحقد مش موجودين علي البال
ودي بلاد سمعت عنها في قعدة صفا وانسجام
من محمد وعبد الله ودول أصحابي القدام
.قالولي عنها إنها في آخر الأرض
. وعشان أوصلها لازم اعدي بحور بالطول وبالعرض
. خدت شنطتي ومشيت لميناء الاحلام الوردية
. وهناك لقيت سفينة كبيرة مستنية
. مكتوب عليها إلي بلاد الحب المنسية. .
قولت دي أكيد هي السفينة المقصودة
. اللي هتخدني في رحلتي المنشودة
لبلاد ناس كتير فكراها مش موجودة.
.و مشيت بينا السفينة في البحر ليالي وأيام
.معانا افكارنا وامنينا اللي مش بتنام.
.اننا نلاقي الحب والوئام.. اللي افتقدناهم في بلادنا هذه الايام.
.عدينا بحور وبحور... بنلف وندور...لغاية ما في يوم.
. صرخ واحد صرخة صحتنا من النوم..
وقال ( أهي شايفها من بعيد.. بلاد الحب السعيد)..
.رسيت بينا السفينة علي شطها...وأول ما لمست رجليا أرضها..
حسيت إنها بلاد عجيبة..ظهر عل أهلها الحب والطيبة...
الناس حياتهم مليانة سعادة.. مفيش الصرعات اللي في حياتنا اصبحت عادة..
.و لا وجود للمشاعر الكدابة...والنهش في بعض كأننا في غابة..
عايشين في هدوء وسلام...مفيش علي وجوههم غير الشروق والابتسام..
.علي طول ومن غير تفكير...خدت في نفسي قرار خطير..قرار يحدد المصير..
إني معاهم أعيش ...ومن بلادهم ما مشيش...لكن لما حاكم البلاد عرف بالقرار
...قالي لازم الأول تمر باختبار...انك تهزم وحش الكره الجبار..
ساعتها اندهشت من كلامه..و قبل ما التفت وامشي من قدامه...
سألته وده فين الاقيه
...رد عليا وقالي: جوه قلبك دور عليه... وفي الصباح هتقابله في ساحة القتال..
.وها نكون حاضرين نشوف النزال...و و لما تهزمة شر هزيمة...
ها اسمح لك تعيش معانا في بلادنا عيشة كريمة...
مشيت من عنده وأنا عندي تساؤلات كتير.
.وخوف ورعب من معركة المصير..ليليتها النوم ما خبطش علي بابي...
و كل اللي كان في بالي وصورته قصادي...الخوف من الوحش للي مستني بكرة...
وأنا معنديش عنه ادني فكرة.
..طلع نور الصباح...ومعاه سمعت الهتافات والصياح...
وفي ساحة القتال الحشود كانت كتيرة.
..والساحة خالية من أي وحش الا من مراية كبيرة...سالت الناس عنها
...قالولي دي نفسك وخد بالك منها... بصيت فيها ما شفتش غير صورتي..
وساعتها زادت حيرتي..لكن بعد شوية الصورة أتغيرت ...وملامح الصورة اتطورت
..واتجسدت في صورة وحش الكره الجبار ...و كانت أنفاسه غضب ونار
..خرج من الصورة وهاجمني بعنف ..وانا منه بقيت اجري و ألف
..وفي النهاية وقعت من التعب
...و هاجمني هو بنيران الغضب...لكن درع الصبر حماني من اللهب..
و وقفت علي رجليا من تاني
..وشديت سهم من جعبة سهامي ...و صوبته ناحية الوحش اللي واقف قدامي..
.انطلق السهم بنور فظيع ..ومن قوته وقع الوحش صريع..
وانطفت نيران غضبه المريع.
.والناس من حواليا فرحوا وهللوا...و بمراسم الاحتفال اليوم كملوا .
.. وسألوني عن السهم المريب ...قولت لهم ده سهم التسامح العجيب
..اللي بيه يموت الكره والغضب في القلب..و يسود السلام والحب.
..وفي نهاية قصتي ..و أحداث مغامرتي ...صحيت من النوم .
.اصل ده كان حلم و يا ريته يدوم ...ونقدر نهزم الكره في يوم ..
في الحقيقة مش في النوم..
DEAD MAN
Posted by Dr Gad at 9:07 pm 10 comments
Labels: خواطر ميت