ورررررررررجعتلكم تاني بعد غياب طويل صحيح ارتحتوا مني شويه كتير بس مفتقد المدونه جامد جدا قوي خالص موت طحن هبد رزعاكيد وانتوا مفقتدكم طبعا ومفتقد كتباتكم وتدويناتكم مع اني شايف حاله ركود تدويني في المدونات اللي لينكاتها عندي ...معلش الغيبه كانت عشان الفراغ التدويني وشويه مشاكل في النت وكمان بسبب النسا والولاده اللي مش مدياني فرصه افكر في حاجة ولا في اي موضوع وربنا يستر عليا منها يا هتخلص عليا يا هتخلص عليا :(
المهم
انتوا ايه اخباركم كويسين ؟ طيب الحمد لله يارب دايما
وايه اخبار الصحه ؟ يارب كده بمبم كالعاده من غير قر والله
وايه اخبار الاولاد للي عندهم اولاد ؟ يارب يكونوا بخير
شوفتوا غبت غبت ورجعت بصوره تفتح النفس اهو طبق شوربه فراخ بالكريمه هو صحيح معرفش بتتعمل ازاي ولا الاتنين بيتاكلوا مع بعض ازاي بس ده اللي لقيته في وشي وانا بدور علي صوره للبوست وقولت احطه يمكن حد يعجبه الاسم ويعرف الطريقه ويعملها ويبعتلي طبق :P
البوست ده تبع قسم اللي قبلينا قالوا ايه ؟ اللي في المدونه لان دايما كلام اللي قبلينا حكم والله
طبعا العنوان واضح
(اللي اتلسع من الشوربه... ينفخ في الزبادي)
ايوه وبعدين بقي ماله العنوان م عارفينه وحافظينه
بالراحه طيب عليا انتوا لسه حمقيين كده زي م انتوا :D
انا عارف انكم عارفين المقوله ولا المثل ده وانه معناه ان اللي حصل معاه موقف او اخطأ مره بيخاف بعد كده وياخد حذره في حياته عشان ميكرروش
بس واخدين بالكم من الزبادي ؟؟؟
هههههههههههههههههه
قصدي انه بياخد حذره حتي من الحاجات اللي متحتاجش ده
انا قصدي ايه عشان مطولش عليكم طيب
انا اللي عاوز اقوله ان ساعات الانسان لما بيتلسع من الشوربه بينفخ في الزبادي والمربي والجبنه والعصير وكل حاجة
يعني؟
يعني بيحتاط بشده في اللي جاي وبيكون حذر جدا لدرجه ان احتياطه ده ممكن يضيع منه كتير قدامه
انا مبلموش علي فكره علي حذره ده بالعكس ده حقه ان ده يحصل لانه بيخاف يكرر نفس الخطأ مره تانيه وخوفه ده بيمنعه من انه ياخد خطوات كتير في حياته وياخره في وقت بنحتاج فيه المغامره مره تانيه عشان نكمل الخطوات دي ونكمل الطريق
الحياه مليانه كتير مواقف بنغلط فيها ومواقف بنكون صح والمواقف اللي بنغلط فيها بنتعلم منها وجميل اننا نتعلم من اخطأنا دي ونستفيد منها ونستخدم الاستفاده دي بعد كده في حياتنا ...بس من غير نفخ في الزبادي من غير الخوف من الحاجات اللي ميتخافش منها من غير اننا نخاف نكرر الخطأ لدرجه اننا نقف مكانا منحركش ونخسر حاجات قدامنا كتير وفرص اكتر
قبل لما تنفخ في الزبادي وخايف تكون سخنه زي الشوربه بص عليها كويس شوفها زبادي ولا لا اسال اللي جنبك ياعم الحاج دي شوربه ولا زبادي استشير خد الاراء عشان تطمن انها مش هتلسعك لكنك متقفش خايف منها كده
البوست مليان شوربه علي زبادي لحد لما جوعتكم كده هههههههههههههه معلش بس انتوا عارفين لما مبكتبش كتير دماغي بتبقي عامله زي طبق المكرونه الاسباجتي بجمله طبق اليوم اللي فتحته في البوست ده
ههههههههههههههههههههههههههههههه
معرفش الموضوع والمقوله دي جم في دماغي ليه فجأه وحبيت اشاركم فيهم
بس يمكن عشان شوفت ناس كتير فعلا حواليا بتنفخ فعلا في الزبادي ويمكن عشان انا نفسي كنت بنفخ فيها
:D
سلام والي لقاء قريب :)
البوست ده تبع قسم اللي قبلينا قالوا ايه ؟ اللي في المدونه لان دايما كلام اللي قبلينا حكم والله
طبعا العنوان واضح
(اللي اتلسع من الشوربه... ينفخ في الزبادي)
ايوه وبعدين بقي ماله العنوان م عارفينه وحافظينه
بالراحه طيب عليا انتوا لسه حمقيين كده زي م انتوا :D
انا عارف انكم عارفين المقوله ولا المثل ده وانه معناه ان اللي حصل معاه موقف او اخطأ مره بيخاف بعد كده وياخد حذره في حياته عشان ميكرروش
بس واخدين بالكم من الزبادي ؟؟؟
هههههههههههههههههه
قصدي انه بياخد حذره حتي من الحاجات اللي متحتاجش ده
انا قصدي ايه عشان مطولش عليكم طيب
انا اللي عاوز اقوله ان ساعات الانسان لما بيتلسع من الشوربه بينفخ في الزبادي والمربي والجبنه والعصير وكل حاجة
يعني؟
يعني بيحتاط بشده في اللي جاي وبيكون حذر جدا لدرجه ان احتياطه ده ممكن يضيع منه كتير قدامه
انا مبلموش علي فكره علي حذره ده بالعكس ده حقه ان ده يحصل لانه بيخاف يكرر نفس الخطأ مره تانيه وخوفه ده بيمنعه من انه ياخد خطوات كتير في حياته وياخره في وقت بنحتاج فيه المغامره مره تانيه عشان نكمل الخطوات دي ونكمل الطريق
الحياه مليانه كتير مواقف بنغلط فيها ومواقف بنكون صح والمواقف اللي بنغلط فيها بنتعلم منها وجميل اننا نتعلم من اخطأنا دي ونستفيد منها ونستخدم الاستفاده دي بعد كده في حياتنا ...بس من غير نفخ في الزبادي من غير الخوف من الحاجات اللي ميتخافش منها من غير اننا نخاف نكرر الخطأ لدرجه اننا نقف مكانا منحركش ونخسر حاجات قدامنا كتير وفرص اكتر
قبل لما تنفخ في الزبادي وخايف تكون سخنه زي الشوربه بص عليها كويس شوفها زبادي ولا لا اسال اللي جنبك ياعم الحاج دي شوربه ولا زبادي استشير خد الاراء عشان تطمن انها مش هتلسعك لكنك متقفش خايف منها كده
البوست مليان شوربه علي زبادي لحد لما جوعتكم كده هههههههههههههه معلش بس انتوا عارفين لما مبكتبش كتير دماغي بتبقي عامله زي طبق المكرونه الاسباجتي بجمله طبق اليوم اللي فتحته في البوست ده
ههههههههههههههههههههههههههههههه
معرفش الموضوع والمقوله دي جم في دماغي ليه فجأه وحبيت اشاركم فيهم
بس يمكن عشان شوفت ناس كتير فعلا حواليا بتنفخ فعلا في الزبادي ويمكن عشان انا نفسي كنت بنفخ فيها
:D
سلام والي لقاء قريب :)
11 comments:
هية أول رد أول رد :cheer:
أولا حمد الله على السلامة ^_^
هي النسا بتعمل كدا في الناس :(
ربنا معاك و معانا يارب :)
بالنسبه للبوست انا فعلا جعت :wa2:
شوف كلامك صح مش مفروض الواحد يخاف اوي الخوف المرضي دا و مش مفروض كمان يبقى مندفع مش بيقولو حرس و لا تخون -_-
دي غصب عن الواحد حاجة نفسية و على قد اللسعه بيجي الخوف يعني لو اتلسع و فضل ست ساعات مش بياكل و موجوع مش زي الي اتلسع و فضل يومين موجوع مش زي الي اتلسع و اتقطع له لسانة كل واحد هيتكون عندة حاجز نفسي من الشوربه دي لكن بمستويات مختلفه ما تقدرش تقول لهم نطوا من الحاجز و لا السور دا ببساطة هيقعوا و دماغهم هتنكسر -_- لكن تقدر تقولهم كسروه جيبو فاس و اهدموا كل يوم جزء منة طبعا الي لسانة اتقطع دا أعلى حاجز فيهم هياخد أطول وقت عشان يخلي السور يوصل لمستوى يقدر ينط منة من غير رقبته ما تنكسر ممكن سنين و الي فضله كام ساعة موجوع هو يوم و لا يومين و الحاجز دا يختفي بإختصار لكل فعل رد فعل مساوي لة في المقدار و معاكس له في الاتجاه :lol:
انا ماليش دعوه بالشربه انا بس بقول حمد الله على السلامه
ليه الغيبه دى
عودن احمد ..هههههه اخيرا حنيت علينا ونزلت بوست جديد ...ويلكم باك
باستثناء برنامج لكى سيدتى اللى مقدمه فى البوست بس حلو لانى المفروض فعلا الواحد ياخد حذره واحتياطه ويتعلم من اخطائه زى ما بتقول بس فعلا المقوله دى انا مش بايدها لانى المفروض اللى اتلسع من الشوربه ينفخ فيها بعد كدة قبل ما يشربها تانى ههههههه مش ينفخ فى الزبادى
لان فعلا الزبادى بارد وما يستاهلش انى ننفخ فيه يعنى الواحد اللى اتلسع من الشوربه وهو عارف انى الزبادى بارد وبينفخ فيه سورى يبقى اهبل
لانى مش معنى انى الواحد حصله موقف معين يعممه مش معنى انى الواحد اتخان من واحد يبقى الناس كلها خاينين وهكذا
لسه الدنيا بخير وفى ناس كتير كويسين بس للااسف الوحش بقى كتير ومغطى ع الكويس بس برضه لسه فيه
لا بس حلو البوست لذيذ وخفيف كدة وطعمه حلو ههههههههه
:p
حنان
هههههههههههه قوانين نيوتن دي ولا ايه
طبعا معاكي حق يا حنان وانا قولت في البوست اني مش بلومه علي خوفه ده بالعكس ده شيء طبيعي بس انا مش عاوزه بس يطول وخصوصا لو كان ميستاهلش الخوف ده
شكرا للتعليق يا حنان دايما كده بتسعديني بتواجدك في المدونه ومتابعتها :)
بندقه
الله يسلمك
والله يا بندقه مكنشي في دماغي حاجة اكتبها ومعنديش وقت فعلا اني اكتب بسبب النسا واللي عملاه فيا
معلش علي الغيبه وان شاء الله مش هتكرر :)
Dina
ههههههههههه اتفضلي البوست مدام طعمه عجبك اعملك شنجوشت :))
معاكي حق طبعا في كلامك بس هتعملي ايه ناس كتير كانت بتنفخ في الزبادي وانا منهم عشان ميكررش الاخطاء بس الحمد لله اني عرفت ان الزبادي مبتلسعش
تصدقي بقي انا جوعت :))
معاك حق جدا
غير انها خوف كمان .. بتمشي بمبدأ السيئة تعم
لما قريت كلامك جه على بالي كل حد بيشوف الدنيا كلها سودا والناس كلها وحشة بعد موقف تعرض له
هو يمكن رد فعل طبيعي مؤقت .. بس المشكلة لما بيستمر عن اقتناع وقفلة دماغ بقى
بس لا يمنع ان لسعة الشوربة بتعلم كتيييير ^^
__
ربنا معاك ف النسا يادكتور .. راوند مرهق فعلا بس كان احسن من الجراحة والله ^^
ماي دريم
متشكر علي التعليق الجميل في المدونه و هو الراوند احسن من الجراحه اه بس مرهق جداااااااااااااااااا :(
شكرا علي المرور الجميل علي المدونه :)
انا بالفعل يا د.ديد من الناس اللي نفخوا في الزبادي كتييير قوي وكل مطب ومطب مكنتش بتعلم بعده كما ذكرت لافتراضي لحسن النيه (بشكل خاطئ تماما)انا مش ملاك ومفيش حد ملاك ولكن في كل واحد مننا بتختلف كفة الحسنات والسيئات والانسان بيتاخد كوحده واحده.
بس احيانا بتقف وقفه مع نفسك وتسال سؤال انا عملت ايه وحش للناس دي؟؟غلطت في حقهم مثلا؟؟وايه المشكله ماهما كمان بيغلطوا في حقي؟؟طب ليه مش بيعاتبوني زي ما بعاتبهم؟؟اسئله كتيره بصراحه بتدور جوايا الى الان ونفسي الاقيلها اجابه
حضرتك عارف ايه المصيبه في كللل ده؟؟اني بروح بنفسي اسالهم ايه اللي مضايقكم مني؟؟عاتبوني،طوبى لمن اهدى الي عيوبي..والاقي في الاخر مفيش اجابات ولو في اجابات تكون حاجه او اتنين بالكتير وعارف ايه هيا الحاجه دي اللي اغلب الناس اتفقوا عليها عيب فيا؟؟اني انسانه حساسه بزياده(كنت)وتعجبت جدا،،هوا بقى عيب ان الانسان يكون حساس؟؟عيب انه يتعامل مع الي قدامه كما يحب لنفسه؟؟هوا بقى عيب ان الانسان بيطلب امور بديهيه( أ ب) تعاملات انسانيه دينيه؟؟
هوا لو ده عيبي الوحيد كما قيل لي مفيش حسنات عملتهالهم يشيلوهالي؟؟
والاسوأ لما بينكروا انك عملت حاجه وانت عملت فعلا وعندك دليل
ليه ولمصلحة مين وفين؟؟ معرفش اي حاجه
عشان كده قلت افعل ما شئت فكما تدين تداااان
واتفق معاك في مقولتك(( وانا قولت انا مش بلوم الانسان اللي كده لان ده حقه لكن قولنا ميفضلش كده علي طول لان حقيقي ده بيضيع منه حاجات وبيفقده الشعور بحاجات حواليه))انا بالفعل من الناس دي للاسف
ونفسي مبقاش منهم
بصراحه انا وصلت لمرحله اني معدتش بثق في اي حد من بني البشر الا طبعا اهلي،ومش بعشم خير في اي حد او مش منتظراها بمعنى ادق،،بحيث لو حد معملش الخير ده مزعلش لاني مش متوقعاها،،ولو حد عمله هشيله على راسي من فوق واجيبله نجمه من السما (اسال ماما لما حد بيصورلي ورقه بس بعمل ايه)..و المهم اني متعبش تاني
بس بصراحه اكتر ده مش مفرحني ولا مخليني قادره احس باي حاجه حلوه حواليا والدنيا بقت سوده ولولا انك اخدت لقب ديد مان كنت سجلت اسمي بعد كده ديد ووماان
حضرتك عارف انا عامله زي ايه؟؟عارف الكوبايه لما بتتشرخ بتبقى صعب تحط فيها عصير او شاي مع انهم حاجات حلوه الا ان للاسف الكوبايه متقدرش تشيلهم لانها مشروخه
واللي وصلني للمرحله السيئه دي ان شخصيتي للاسف عامله زي الطبق اللي طلعتها من الثلاجه الساقعه جدا على الفرن المولع جدا فجاه فتتكسر،،او كما يقال من الدار للنار
انا بكرر تاني انا مش ملاك بس انا مش شيطان..والى الان نفسي الشخص الاخر اللي جوايا يرد عليا ويقللي انا ابقى مين؟؟والمشكله فين؟؟وليه؟؟وايه الحل؟؟
بس الحمد لله انا الان اكثر تفاؤلا من قبل وكل مدى بفضل الله الامور بتتحسن شويه شويه وبتتضح امور اكتر ومبسوطه اني بتعلم من الدنيا وبكتسب حاجات وناس احلى من اللي فقدتهم،،ومتاكده اني في مرحلة ما هلاقي الشخص الاخر اللي تايه جوايا وهيستقر
معلش بطول كل مره بس بجد انا ببقى مبسوطه لما بفضفض على المدونه مش اكتئابا
جزاك الله خيرا
د.هبه الله
اولا تعليق حضرتك كل مره بيزيد المدونه شرف والله مهما كان قصير او طويل انا بستمتع بيه جدا والمدونه مدونه حضرتك قولي فيها اللي تحبيه و اتناقشي فيه
ثانيا:هقول لحضرتك جمله بقولها للناس العزاز عليا لما بيتوهوا في الحياه زي كده
بقولهم كن نفسك انا قولتها في بوست قبل كده
حضرتك قولتي انك بتعملي ومش منتظره حاجة من حد ده شيء جميل وانا بايده وكنت بقول للناس اعمل من منطلق تربيتك واخلاقك و طبيعتك متستناش حد ولا حاجة من حد
ومتزعلش علي حاجة عملتها وناس مقدروهاش بالعكس انت كده بتثبت انك انت لسه جواك انسان حساس
والحساسيه مش وحشه ولا حاجة ولكن مش كل الاشخاص زي بعض والحل انك تفهم ده
يا دكتوره الدنيا مش صعبه قوي زي م احنا مصعبينها انا عارف اننا في مرحله عمريه بيتبني فيها شخصيتك و طباعك و برضه هي دي فتره التخبطات بس فعلا الدنيا ابسط من كده بكتييييييييييييييييير لكن عيبنا اننا لو فكرنا فيها بزياده هتتعبنا ولو همشناها هتسطحنا
الحل اننا نكون معتدلين في الدنيا ونكون بطبعنا بني ادمين يعني انسان
مش ملاك
تحياتي ليكي يا دكتوره و نورتي المدونه والتعليقات :)
Post a Comment