من غير كان يا مكان ...ولا لف ودوران..
انا هحكي حكاية ..بس لو قرتوها كملوها للنهاية..
الحكاية حكاية قلب حب ...ويوم م حب اتدهول وطب...
وفضل يسهر الليالي كتير ...و من حبه كان هيجننه التفكير..
مش عارف يقول ويتكلم... ولا يكتم حبه جواه ويفضل يتالم
ازاي يصارحها بحبه الدفين ...وهو لسه مش عارف رايح علي فين
قصر الكلام
القلب قرر ياخد خطوة ...وقال لما اشوفها هكلمها واقولها بكره
حرام افضل كده عايش في عذاب ...واندم في يوم عليها ولاادخل في اكتئاب
وفعلا راح القلب تاني يوم مرعوب...خايف ..متشتت ....مخضوض
وقف قدامها وصارحها باللي فيه....باصص في عنيها والامل مليه
انها تكون هي كمان عاوزاه...زي م هي غايته و كل مناه
لكن الرد جاله وقتها بالانتظار...وساعتها القلب احتار
وسال نفسه الانتظار ليه...وليه برد صريح مرديتش عليه
حس ان في انسان تاني ...بس كدب نفسه وقال لا دي هواجس وشياطين اوهامي
اكيد هي بس اتفاجات من الكلام ...وردها هيجيلي يوم او يومين قدام
لكن عدت الايام والقلب مستني الجواب ....وكالعاده قايم جواه نار وعذاب
لغاية م فيوم ظهرت اوهامه تاني بين ايديه...لكن المرادي كانت بجد وحقيقة قدام عنيه
وعرف ان جوابها بالانتظار ...كان مجرد خوف عليه من جرح او انهيار
ونزلت دموعه بتالم فيه...بس خلاص عرف انها مش ليه
عرف انها لانسان تاني...وحرام يقف في طريقهم ويبقي اناني
و بعد عنهم ودعالهم بالسعاده..ودفن مشاعره جواه كالعاده
ورجع القلب تاني وحيد...بس مش مكتئب لا سعيد
مبسوط و فرحان من جواه ..عشان حبيبته سعيده مع اللي بتتمناه
ودي نهاية الحكايه...ها ...قرتوها للنهاية... ولا اكتفيتوا بس بالبداية
مش هتفرق خلاص اصل البداية زي النهاية
:)
24 comments:
بصراحه حكايه حلوه وانا كملتها لحد النهايه بس ............
نفسي اشوف ليك حاجه كتبتهاتكون فرفشه يا اخ ديد ولا انا بطلب طلب في المكان الغلط ؟؟؟
علي اعتباار انها مدونه واحد ميت يعني!!:lol:
مستنيه منك كل جديد وياارب يكون حاجه فرفشه لان انا بحب كتاباتك جدا بجد ليها نكهتها الخااصه واتمني اشوف حاجه فرفشه علي مزاجك كده :)
دي زيارتي الاولي
كلام جميل وبيحصل كل يوم
يارب متكنش اتعرضت للموقف ده وقلبك انفطر
انا هلف علي المدونة واقلك رأي فيها
اتمني تزور مدونتي وتقلي رأيك
http://didoredoado.blogspot.com
الله حافظ
دودو
عارف انا عشت في المدونة دي مع الموسيقي انا هبكي والله
انت حساس اوي
اعتقد انك بتكتب عن حاجات حصلت وبتحصل فعلا وياك لان مشاعرك واضحة اوي فيها
اصل انا لما بكتب بيكون عن حاجة حصلت معايا او احساس حسيته اكيد انت كمان كده
انا مش عارفة اسمك ايه ومش عاوزة اقلك ياديد مان لان انت اكيد مش ديد حتي لو كانت الحياة قتلتك
بس عاوزة اعرف اسمك
مش عارفة ليه بيتهيئلي اسمك احمد
عارف ممكن الي بيكسر قلب حد بيكون برضه كويس بس هو بيتصرف ومش حاسس بنفسه..بيحب بس بيأذي الي بيحبه
ربنا يوفقك..مش هقدر اقلك عيش الحياة لان انا كمان اندفنت من زمان بس هقلك ربنا يكرمك وايانا بحياة افضل بإذن الرحمن
اسفة لو كلامي ضايقك بس كلامك في المدونة خلاني عاوزة اكتب ده
الله حافظ
دودو
ريهام
انا عارف انك هتقريها لغاية النهاية
هههههههه
وبعدين عاوزه تشوفي حاجة فرفشه م انتيي عارفه فين في المدونه التانية هتلاقي ضحك وهزار لكن دي للحزن كل لما تحبي تعيطي ابقي تعالي
ههههههههه
دودو
طبعا مرورك كان جميل ومؤثر علي المدونه
علي فكره انا مدفنتش نفسي انا خرجت من قبري من جديد وعايش في دنيتي تاني بعد لما كنت مدفون بس كنت غلطان وخرجت بضحك
اللي كاتبه تقريبا كله حصل
لازم انتي كمان تخرجي من الدفنه دي وترجعي لحياتك وصدقيني مفيش حاجة مستاهلة
انا مش عارف انتي ايه علاقتك بطوق الياسمين هل انتي هيا ولا لا
اه انتي خمنتي اسمي قريب منه انا محمد مش احمد و اسمي المشهور بيه جاد
اتمني ان زيارتك متكونش اخر زياره و ان شاء الله هزور مدونتك :)
انا اه طوق الياسمين دي مدونتي التانية
شكرا جدا يامحمد لاضافتي انا كمان هضيفك
طوق الياسمين دي بخرج فيها مشاعري الخاصة لكن المدونة الاولي للحاجات العادية
ربنا يكرمك يامحمد
دودو
لا الثانيه من غير نص او قاافيه انا كنت اقصد علي كلمات بنص وقاافيه ومش تكون حزن بس علي اي حاجه يخطها قلمك اكيد حلوه :)
رووووووووووووووووووووووعة ... بس يارب متكنش فعلا حصلتلك
ريري مش معقول
بجد انا مبسوط انك حطيتي كومنت عندي
الف شكر علي المرور
وبالنسبة للقصه مش هتفرق حصلت ولا لا لان هي خلاص ماضي
صباح الخير يامحمد
....
شكرا جدا لتعليقك بس هي مقصدتش انه يبكي ويبقي ضعيف لان البكاء مش ضعف بس الانسان لما بيحب حد بيبقي عاوزاه تلقائي معاه ومينكسفش منه حتي لو تلقائيته هتظهر عيوبه
.......
الدمعة الواحدة كفاية اوي بس لو كانت كل مشاعر الشخص ده مدارية ودايما يظهر بروده ساعتها لازم الي بيحبها هتطالبه انه يظهر كل الي جواه
انا بكره البرود وبحب الانسان يتحرر من اي شعور جواه وده عن طريق الافصاح عنه
...
شكرا يااحمد وانتحار ميتة ده كئيب اوي بس لو قدرت تكمله خير
مقدرتش يبقي خير برضه
ربنا يكرمك
شكرا
..:(
بموت انا فى الكتابات اللى على شكل قصص , انا كاتبة اتنين قريبين من القصة دى برده , وفى حوار بينهم وحاجات كدة برده , جميلة اوى وإن كانت ماضى مؤلم , بس ساعات الحزن بيطلع مواهب اهوه
محمد لك عندي تاج تعا استلمه
دودو
محمد ,, اسمحلى أقولك انك بتقسى على نفسك أوى
نصيحة منى بلاش كده
حتى لو ده بيسعدك
بلاش تربط سعادتك بالألم مهما حصل
الألم مهما كان شكله او طريقته واسلوبه ده عذاب
فبلاش تقسى كده على نفسك وتعذبها وتقنع نفسك انك بتبقى مبسوط وانت حزين
تقبل مرورى السريع
وتعليقى البسيط
اتمنى ما يكونش ضايقك
:)
سلامتك يامحمد
يارب تكون بقيت احسن
مش مهم تعلق في المدونةت والله المهم انك تكون بخير
من فضلك ابقي طمني عنك
بإذن الرحمن تكون افضل
الله حافظ
دودو
Anonymous
طبعا مرورك اسعندي ورايك كمان مش ضايقني
بس فعلا هو بايدك ايه غير انك تفرح وتنسي
مهو مينفعش تعيط وتكتئب
اكيد خسرت انسانه غاليه عليك بس ده قدر ونصيب
وعوضك وسعادتك انك شايفها سعيده وانت ربنا يسعدك ويوفقك مع حد تاني
شكرا بجد علي مرورك
دودو
الله يسلمك والله انا واخد الاجازة في البيت ولا خرجت ولا حاجة
ونفسي الف علي المدونات كلها اشوف الجديد بس النت مقرف
الف شكر علي سؤالك يا دودو :)
طبعا من غير كلام اسلوبك هايل
انا حاسه انها قصه حقيقيه
ممممممممم
بس ع قولك مش مهم المهم انها ماضي
ويارب فعلا تكون ماضي وانتهت
اه حقيقية
يا سمسمه
ومش عاف انتهت ولا لا
لان الانسانه دي لسه بكلمها و بشوفها بالرغم من كل ده لاننا اخوات اكتر من اي حاجة تانيه
بس بجد انا مش زعلان وفعلا سعيد
أنا أول مرة آجي هنا
مش عارف ليه دخلت على الموضوع ده على طول
يمكن العنوان شدني لكني تقريبا اتهزيت من الموضوع ده وياخوفي لو كان حصل ... الموسيقا بجد ملهاش حل فظيييييييييعة
على فكرة أنا بحب الحزن أوي
مدونتك أكثر من رائعة
سلام عشان مش قادر أمسك نفسي الدموع واقفة لحد مخلص كتابة
Special Designer
SPECIAL DESIGNER
شكرا جامد جدا لمرورك
القصة حقيقية وحصلت فعلا
ويارب مكونشي كأبتك بيها
:)
حرام عليك يا ميت..
ليه يابنى كدة ..
ليه تقلب المواجع على ناس كتير ..
ناس كان نفسهم يصحوا فى يوم يلاقو جرحهم ميت..فى حياتنا كتير أوى بيحصل كل ده..
والحياة ماشية من غير تغيير..
أنت مش لوحدك يابنى وبرغم انه خلاص بقى عادى لكن كل مرة الألم يتجدد لما يعاد فتح الجرح وبقينا منستغربش وبلذة ماسوشية نستعذب الألم..لكن ياترى لما تبقى أنت بقى؟ هتعمل ايه ساعتها؟
حلوة بجد..
أ.بديوى
حرام عليك يا ميت..
ليه يابنى كدة ..
ليه تقلب المواجع على ناس كتير ..
ناس كان نفسهم يصحوا فى يوم يلاقو جرحهم ميت..فى حياتنا كتير أوى بيحصل كل ده..
والحياة ماشية من غير تغيير..
أنت مش لوحدك يابنى وبرغم انه خلاص بقى عادى لكن كل مرة الألم يتجدد لما يعاد فتح الجرح وبقينا منستغربش وبلذة ماسوشية نستعذب الألم..لكن ياترى لما تبقى أنت بقى؟ هتعمل ايه ساعتها؟
حلوة بجد..
أ.بديوى
أشكركم على نشر هذا ، كان من المفيد جدا ، وقال الكثير
Post a Comment