محدش حاسس بيا بجد
محدش عارف انا بفكر في ايه
واللي بفكر فيه مينفعش حد يعرفه غيري
محتاج اغير كتير قوي قوي قوي
مينفعش اعيش حياتي قبل لما التغيير ده يحصل
لانه لو محصلش يبقي حياتي ملهاش اي معني
والمشكله ان الكل عليك وفاكر انك بكده بتدوس علي ناس و انك بتدفن نفسك و بتظلم ناس
لكن انا لوحدي اللي عارف انا فيا ايه و محتاج ايه وبحاول اعمل عليه و علي تصحيح وضع كنت عايش فيه
فتره كبيره
بحاول ارجع انسان بحق وحقيقي
كل اللي حصل السنادي بقي بيمر قدامي في شريط ذكريات من الماضي وانتهي
بحاول ابدا من جديد واحده واحده
صحيح بخسر لسه بس في سبيل ان الاقي نفسي بكره
بحاول فعلا الاقي نفسي
بجد
نفسي اللي حاوليا يفهموا ده انا عمري م اتخليت عن صديق ولا قصرت في حقه
عمري م جرحت و قسمت وكسرت
بس الظروف دلوقتي بتفرض عليا ااني الحق نفسي
لازم الحق نفسي واقف وقفه مع نفسي
بخسر تقديري و تعب السنه كلها والمزاكره عشان كل اللي حصل علي مدار السنه دي ولسه ماثر
بحاول ابص لشيء ابعد من مجرد تقدير في سنه من سنين الدراسه
بحاول احقق حاجة
نفسي تتحقق و ساعتها فعلا هتبقي عزائي عن التقدير اللي راح ده
نفسي اللي حاوليا يفهموا ده
انا في مرحله عدم توازن هتستمر كتييييييييييييييييييييييييييييييييييييييييييييير
و مش بطلب من اي حد حاجة
بس محتاج امشي في طريقي لوحدي لحد لما الاقي نفسي
4 comments:
السلام عليكم
ازيك يا ديد رمضان كريم وكل سنة وانت طيب
وربنا يكرمنا بليلة القدر وندعى ربنا فى اخر ايام رمضان بكل اللى نفسنا فيه
انا هقولك المشكلة فين من وجهه نظرى انا تحتمل الصواب والخطأ
انا حسه انك ما بتكملش المشوار لاخره
لما بتبدأ فى حاجة ما بتكملهاش وتسيبها من نصها سواء برضاك او غصب عنك
يمكن علشان كده انت بتحتاج تتغير كتير !! مش عارفة
لونلى كلامها صح
ابتديت حاجه حاول تكملها لاخرها يا ديد
متظلمش حد معاك ..
ما هو مش هتيجى تدوس على حد و بعدين تقول معلش
اسف
مكنتش اقصد
الظروف رغمت عليا بكده
انت لو دست على حد و قلت الظروف
هتلاقى ييجى يوم حد يعمل نفس الموقف فيك و يقولك برضوا اسف ..
بس اصلى لسه عاوز احقق و اعمل
الدنيا مش كده ..
او وعدت شخص بشىء كمل معاه مهما كانت الظروف
صدقنى هتلاقى الحال متصلح
متعقدش الامور
خدها ببساطه يا ديد
الحساه حلوة اوى
بس نفهمها صح
نعيشها صح
منجرحش حد معانا لاننا شايفين الطريق مسدود
يمكن بوجود الشخص ده هتلاقى نفسك بتعل و بتتعب اكتر عشانه
متزعلش عشان نتيجه ولا حاجه ضاعت منك
خليك دايما بتفكر ان ربنا سبحانه و تعالى عاملك خطه اكبر من اللى انت مخططها لنفسك
ربنا بيحب عباده
مش هيضرك
خوفك هيخليك تدوس على ناس فى الرجلين
لا
اوعى تعمل كده
لان انت مش كده
بص
متفكرش فى اسباب دلوقتى
استنى لما الامتحانات تخلص على خير
و ابتدى راجع نفسك من تانى
خليك عبد واثق فى ربه
واثق ان ربك عمرة ما هيضيعك
..:)
lonely
كل سنه والامه الاسلاميه بخير يارب
مش عارف اقولك كلامك صح ولا غلط بس بجد انا بحاول علي قد م اقدر اكمل المشوار لكن بيتقطع لوحده
روز
مبقتش عارف يا روز اكمل مع الناس ولا انا لوحدي دلوقتي احسنلي
محتاج ناس كتير معايا بس في نفس الوقت عاوز افضل كده لحد لما اقدر واكون
شكرا لمرورك الجميل دايما علي المدونه ياروز
Post a Comment