ازيكم يا احلي مدونين غايب بقالي فتره معلش شويه لخبطه في النت ومفيش مواضيع في دماغيبصو كده الصوره و الجمله دي
I'd rather feel pain than nothing at all
ايه رايكم فيها ؟؟
ايه رايكم في الانسان اللي بيفضل انه يشعر بالالم علي انه ميحسش بحاجة خالص
متفقين معاها ؟
اكيد ناس هتعارض و ناس جايز تتقبلها
واللي هيعارض هيقول لاني مقدرش اعيش كل حياتي في الم و تعب انا عندي اني محسش بحاجة خالص اريحلي و احسنلي
لكن عارفين انا رايي ايه ؟؟
قول يا فلفسوف عصرك واوانك
انا متفق معاها وهقولكم ليه
انا افضل فعلا اني اشعر ولو حتي بالالم علي اني محسش بحاجة خالص لان طول م انا بحس بده اعرف اني لسه حي اني لسه جوايا شعور ومشاعر ان لسه جوايا احساس يعني من الاخر اني لسه
انسان
عدم احساسي باي شيء حواليا هيحولني لمجرد جماد ..مجرد تمثال شمع او عروسه ماريونيت بتتحرك من غير مشاعر ولا احاسيس
هيمحي من وشي اي تعبير و هيبقي التعبير الدايم علي وشي هو اللا تعبير
جايز ان ده بالنسبه لناس كتير احسن من الشعور بالالام و مريح للفكر و للجسد
ولكن في ظل زحمه الحياه و عدم احساسك اللي اتولد جواك هتلاقي نفسك بتدوس علي حاجات كتير و ناس كتير جايز متستهلش
ومش هتحس بيهم لانك فقدت الاحساس بكل حاجة حتي الالم
الالم اللي هتحسه برغم صعوبته وقسوته هو نفسه اللي هيخليك تحس بغيرك لو مكانك و هيخليك دايما شايف اللي في عيون الناس
الكلام ملخبط كالعاده وجايز مش منطقي بس عشان مفيش في دماغي حاجة و جمله سمعتها و حبيت اشاركم فيها
و حبيت اني اشوف رايكم
:)
12 comments:
مع حضرتك بجد
غير انه بيحسسك بالحياه الاحساس بالالم بجد نعمه
بيفوق
زى بالظبط ما الاحساس بالالم المادى نعمه
اللى هو لما تقرب من حاجه سخنه توجعك تعرف انك متقربلهاش بس لو مفيش احساس بالالم هتفضل حاطط ايدك على النار لما ايدك تبوظ وانت مش دريان
hhhhhhhhhh
really pain is a protective reflex
:D
اممممممممممممم
هو انا معاك رغم اني اظن ان مش سهل علي الواحد يلاقي نفسه مش بيحس باي حاجه مش هقول مستحيل لان في ناس انعدمت من قلوبهم الرحمه وده دليل علي عدم الاحساس
تحياتي لحضرتك
معاك تماما د. ديد
لو هافاضل بين عدم الاحساس .. أو الاحساس بالألم
أختار الإحساس بالألم
وانت بجد عرضت للأسباب بموضوعيه
كمان عاوزة أضيف
انت قلت ان الاحساس بالألم هايخلينا علي الاقل مازلنا محتفظين بإنسانيتنا
كمان الإحساس بالألم إحساس نبيل أوي
تفتكر قساة القلوب لو شعروا الألم لحظة ربما تطهرت قلوبهم
لكنهم لأنهم لا يشعرون الألم أصبحوا قساه
كمان أجمل ما كُتب .. وروائع ما قرأنا كان نتاج ألم أو حزن
أظنه صاحب القلم يكون إحساسه أكثر رهافه في حالة الحزن عن الفرح أو السرور
الإحساس بالألم كمان بيخلينا ناخد بالنا من اللي حوالينا
لو أنا ماحسيتش الألم مش هاقدر أحس بغيري لما يتعب
لو أنا ماحسيتش الألم هايبقي سهل عليا جدا أسببه لغيري بدون أدني إحساس بالذنب
رغم إني ماحبش إن حد يتألم
وماحبش إني أتألم
لأنه الألم علي كل حال مؤذي
لكن الضربة التي لا تقتلني تقويني
فعلاً الإحساس بالألم أفضل كثيراً من عدم الاحساس
إحساس أحسن من بلادة
:)
------
بجد بجد بتختار موضوعات هايلة أوي
بتفتح مجال للنقاش وتبادل الآراء
دمت بكل خير
:)
Lyssa
أنا عارف الأغنيه دى ;)
بصراحه فعلا الألم العاطفى مبقاش له لازمه اليومين دول مش عارف ليه
مدونه كويسه فعلا :)
واحشانى المدونه دى اوى
انقطاعى عن النت حارمنى من حاجات كتيرة ..
violet
اول مرور ليكي في المدونه وبجد مبسوط خالص منه وكمان عامله مدونه دي حاجة جميله قوي بس يلا ابتدي فيها بقي :)
دينا
اه بروتكتيف <_<
ريهام
حضرتك؟؟؟
تحياتي ليكي يا فندم :huh:
ليساندرا
تحياتي ليكي انتي علي التعليق الجميل والمدونه والموضوعات جميله بيكم :)
metamorphosis
والله فعلا عندك حق لاننا في عالم دايس علي كله بس برضه لازم نعيش بني ادمين مش مجرد جماد
catroz
والله احنا اللي وحشتنا موضوعاتك و احاسيسك
النت حرمنا منك مش حرمك من المدونه :(
Post a Comment