الاقيش عند حد فيكم حل للي انا فيه
انا مش حالتي وحشه قوي يعني بس المشكله ان جوايا بقي فيه كتله من الحزن مش بتروح ولا بتتغسل ولا بتدفن
بضحك مع صحابي ..مع امي ..مع ابويا ..ومع اخواتي
بس مجرد م ابقي لوحدي الاقي شبح الذكريات و الاحزان نط في خيالي
ساعات في عز الضحك و الهزار والتهييس الاقي نفسي من جوه بتسرح و بتروح في بحر الاحزان من جديد
اوعي تكونوا فاكرين اني عاجبني حالي ولا خلاص ان الحزن بقي جزء مني
ولا حتي عاجبني اسم المدونه ولا اللقب بتاعي
بس برغم انهم مش عاجبني عشان دلالتهم علي الحزن بس انا بحبهمم مش عارف ليه
بس نرجع لموضوعنا
زي م بقولكم كده جوايا كتله من الحزن مش عاوزه تروح
احاول اهرب منها في مزاكره في فيلم في قعده مع اهلي تختفي حبه و ترجع تظهر لما ارجع لوحدي
حتي لو مظهرتش فجاه تاني برضه تلاقي تفكيري بيروح ليها
جايز عودت نفسي علي كده و جايز عشان كان كله ورا بعضه والاحزان متتابعه و انا عيشت فيها فتره
بس انا عاوز اخرج منها ومش عارف
تفتكروا عشان لسه بمتحن يكون ده سبب؟؟؟
تفتكروا بمجرد انتهاء السنه والامتحانات و دخولي سنه دراسيه جديده و زوال ضغط الاعصاب وكله ان الكتله دي هتروح؟؟؟
مش عارف
بس انا مش حابب نفسيي كده
ناس كتير ربنا كرمهم وقدروا يتغيروا ويكلموا و يبقوا احسن من الاول برغم اللي حصلهم السنادي
بس انا السنه لسه م انتهت
مستني تخلص و تروح معاها كل الافكار و كل الاحزان
سنه بجد متعبه من كل حاجة
مشاعر... دراسه ...امتحانات.... صداقه ...حب ....كره ...كله
كتير منا بيقول يا ريت الواحد يرجع صغير تاني و يلعب ويجري وميشلش مسئوليه ولا هم زي دلوقتي
بس انا بقي بقول ياريت ارجع سنه لورا
سنه واحده بس
حاجات كتير كانت اتغيرت
بس طبعا اللي راح مبيرجعش
ولازم ارضي بالواقع بالرغم انه اليم و مر وعمري م كنت افكر انه يوصل لكده
بس لازم ارضي بيه عشان اقدر اكمل
ودايما بقول مهما خسرت برضه كسبت
معلش كبت امتحانات بقي وبخرجه هنا وفيكم استحملوني :D
يلا اشوفكم علي خير
12 comments:
انا عندي حل
مهما حصلك ارضى به
وقول الحمد لله
وافتكر ان كان ممكن يكون حالك اسوأ من كده
وقول عسى ان تكرهوا شيئا وهو خير لكم
وارضى وعيش
ولما يتقفل فى وشك باب اسعى وافتح غيره
وخليك دايما على باب الله عسى ان تكون اول المقبولي لما يفتح
ولما تضيق عليك الدنيا
اهرب على اوسع مكان
رحمه ربنا
ما حدش عارف الخير فين
ياااااااااااااااااااااااااااه
ايه كل ده هو انا اغيب شويتين الاقي الدنيا خربت كده
يا عم هونها تهون ايه كل ده مفيش حاجه تستاهل ده كلو يا عم احمد ربنا في غيرك حالتهم كرب
صحصح وروق بقي وخلصلي المذاكره بتعتك دي عشان انا عاوزاك تتجوز وتجبلي عيله حلوه كده ملونه
شبهي ههههههههههههههههه
رووووووووووووووووووق
ريهام
ههههههههههههههههه
لا مفيش جواز خلاص انا وهبت نفسي للعلم والدراسه
ههههههههههههههههه
صبرني يارب
فعلا هو ده اللي بحاول اعمله اني اقول الحمد لله وارضي بالمقسوم بس المهم اني اكون عملت اللي عليا و مقصرتش
الحزن أحيان كتيرة بيصنع الانسان،بيرقي بمشاعره ويرقق القلب ويقويه في نفس الوقت!..بس حدد ايه أسباب الحزن ده واعرف ان كل شيء هيعدي وربنا دايما بيعوض الانسان وقول دايما "يا جبار اجبر بكسري"لان مفيش بجد غير ربنا قادر يشفي القلوب ويجبر كسرها
ما اصاب مسلما قط هم او حزن فقال "اللهم انى عبدك وابن عبدك وابن امتك,ناصيتى بيدك ماض فى حكمك عدل فى قضاؤك,اسالك بكل اسم هو لك سميت به نفسك او انزلته فى كتابك او علمته احدا من خلقك ان تجعل القرآن ربيع قلبى ونور صدرى وجلاء حزنى وذهاب همى , الا اذهب الله تعالى همه وابدل مكان حزنه فرحا "
جرب دة ويا رب ينفع معاك بس ادعيه من قلبك ولو جاب نتيجة ابقى ادعيلى بقى
:)
كلنا و الله مش انت بس
عارف
تعالى فى يوم كده و قول انا هرمى كل اللى راح
و هبتدى بدايه جديده مع نفسى
و محدش هيقدر ينكد عليا
خلى الابتسامه من قلبك بجد
عايزين بقى نبطل ضحك و احنا موجوعين اوى من جوة
ادى لنفسك وقت تجزن
لكن متخليش الحزن مسيطر عليك
بياخد اجمل ايام عمرنا يا ديد
خليك عايش مش ميت جوة حزن
راجع نفسك و حاول تصلح اللى تقدر تصلحه
عيش حياتك كما هى بس استمتع بيها
متحاولش تغير حاجات عمرها ما هتتغير
لانك هتتعب اوى
تقبل الدنيا كنا هى مع بعض التعديلات البسيطه اللى تقدر عليها
متخليش سنين من عمرك تضيع تانى فى حزن ولا الم ..:)
dina
م انا بدعيلكم من غير حاجة يا بنتي :d
Anonymous
واديني بحددها و بحاول ابعد عنها و احلها علي قدر المستطاع
روز
بعمل اللي بتقوليه وبحاول اخرج من اللي انا فيه بس مش عارف والله كان فيه ديول لكل المواضيع ومسكاني و دايما تفكيري فيها
بس الحمد لله احسن كتيييييييييييير
لا تفكر في الاحزان عندما تبدأ في التذكر قول لنفسك لأ كفاية لما يكون هناك اغنية أو شخص أو كراسه أو رسمه بتفكرك بشئ من الاحزان ابعدها عنك على الفور ،بطل تفكر في الاحزان لأنها وسيلة لدمار اي انسان وحاول تتغير بجد عاهد نفسك على ان تتغير حاول تمارس عمل تطوعي أو نشاط رياضي وقوى ايمانك وادعي ربك انه يساعدك
هذه أول زياة بس حقيقي انا انزعجت ان ممكن واحد يسمي نفسه رجل ميت وهو لسه شاب في مقتبل العمر ، الحياة فرصة رائعة لكي نعيش أحلى حياه في دار الخلد بس لو نغتنمها بالخير
تقبل مروري
داليا
اسعدني مرورك الهاديء علي المدونه
بس الاسم مش من الاحزان الاسم كان حاله وانتهت و اتشهرت بيه وحاولت اغيره بس الناس مرضيتش
لكن الاحزان اهي الحمد لله بتنتهي ويارب تنتهي مع السنه دي
Post a Comment