فاضل ساعتين علي الامتحان
و عندي تضارب احاسيس و توهان
لا حاسس اني رايح امتحان ولا حاجة !!
و حاسس اني المفروض ابقي جد عن كده شويه و امسك اي حاجة اقراها مدام فيه وقت
بس مش عارف انا مش عاوز اعمل حاجة
كل اللي عاوزه اني اروح امتحن واخلص من الامتحان بقي والسنه دي
اخر امتحان نظري السنادي و ان شاء الله ربنا يعديه علي خير
بتصل باتنين من صحابي امبارح
واحد بيقولي انا زهقت بقي من المزاكره السنادي وتعبت
والتاني بيقولي كفايه بقي كده ايه ده
ههههههههههههههههههههههههههه
العيال مبقتش مستحمله
انا بقي غيرهم خالص بالرغم اني فعلا زهقت بس عادي عندي
بزاكر وايه يعني
جايز لاني بحاول ان المزاكره متخنقنيش و بقعد علي نت و بهزر مع اهلي و بتفرج علي تليفزيون وكده
بس بجد من بعد امتحان الباطنه االاول معشتش مود الامتحانات بتاعت اخر السنه اللي عامله رعب للناس
وفي لجنه الامتحان مبحاولش افكر في السؤال واعصر دماغي اللي بيجي فيها بكتبه
وممكن اكون عارف السؤال و الاجابه بس مش قادر استعيد المعلومات وبكتب اللي في دماغي و خلاص
عشان اخلص و اخلص
بجد شعور مع انه بيضيع رهبه الامتحانات بس بيطغي علي المزاكره وبيضيع مجهود السنه كله
لما تحل سؤال كده وخلاص و لا تقعد تفتكر ولا حاجة في اللي فات ولو مجاش علي دماغك اللي تكتبه تسيبه
ربنا يستر و افتكر كل الاسئله بقي
ولا مفتكرتش عادي انا عملت اللي عليا و ربنا هيعمل اللي عاوزه يكون
وعلي راي صاحبي اللي قال الدنيا اكبر من سنه 5 و دراسه و تقدير
الدنيا حاجات كتير اهم
نفس و شخصيه ودين وعيله و فكر وناس
و ان شاء الله اظبطهم كلهم
سلام واروح اكوي و البس وانزل للامتحان
ادعولي :)
6 comments:
ياااااااااااه يا دكتور
ربنا يكون فى عونكم انتم لسه ماخلصتوش امتحانات ؟
ربنا معاكم يارب وبالتوفيق
ياتري عملت ايه في الامتحان ؟؟؟؟
يارب تكون حليت كويس يا ديد فى الامتحان
ربنا يكرمك ياااارب و تخلص بقى من الموال ده على خييير ..
ريهاام
حمد لله بالسلامه عاش من شاف كومنتاتك
اهو عادي حصل اللي قبله
لونلي
شوفتي لسه لحد دلوقتي بمتحن لما زهفت
روز
موال ؟؟ واي موال ده خنقه بعيد عنك وعن السامعين
قصدي القاريين
هههههههههههههه
الحمد لله مش عارف انا حليت كويس ولا وحش كله هيظهر في النتيجه :D
Post a Comment