ازيكم عاملين ايه ؟؟ يارب تكونوا دايما كويسين
:)
من يومين تلاته كده كنت في رحله تبع الكليه لقريه رمادا في راس سدر
من بدايه اليوم و انا حاسس فعلا اني هكون في اليوم ده لوحدي و فعلا انا كنت مخطط اني اقضي اليوم لوحدي وده اللي حصل
المكان هناك كان جميل والميه والهوا والبحر كانوا عاملين اجمل شغل و برغم من اني فعلا كنت طول اليوم مع نفسي الا اني مكنتش لوحدي و طبعا عارفين ليه
دايما كان معايا
ههههههههههههههههههههههههههههههههههههههههههههه
ايوه انا كان معايا
المهم علي وقت الغدا كدا رحت خدت الوجبه ورحت عند المركب القديمه و قعدت اتغدي وببص للبحر و السمك الصغير اللي كان باين من تحت المركب وبسأل نفسي يااااااااااااااااااااااه علي روعه الخلق والخالق يااااااااااااااااه ليه الواحد ميبقاش زي السمكه دي كده ماشي ومش شايل هموم
وهنا انطلقت الموسيقي التصويريه في البلوج مصوحبه بظهور الشخص التاني و راح قايلي
ومين قالك ان السمكه دي مش شايله هموم يابني مفيش حاجة في الدنيا دي ماشيه كده وخلاص
قولتله هموم ايه اللي شايلاها ياعم
قالي مهي السمكه دي اللي شايفها بتعوم و ماشيه براحتها بتدور علي اكل ليها ولولادها و علي مكان تحتمي فيه من السمك اللي عاوز يفترسها
فكرك يعني ان دي مش هموم
بلاش السمكه دي شايف الطير اللي طاير فوق ده اهو ده نفسه كمان شايل نفس الهموم
عارف ان ناس كتير تقولك ياريتني كنت عصفور ولا كنت فراشه عشان يعيش بيطير و سارح من غير هموم
بس حتي دول ليهم هموم و بيحاولوا يتعايشوا معاها وبيها
قولتله بس همومهم دي مش زي همومنا ولا زي حياتنا
قالي مهو كل واحد وعلي حسب بيئته و عيشته و كمان ربنا ادالك عقل تفكر بيه عنهم و يعقل الامور ويوزنها
لكن هما تفكيرهم محدود وعشان كده همومهم دي نفسها محدوده
انا عارف انك بتفكر في سنه مرت عليك و حصلك فيها كتير بس خلاص ياعم انسي و ارجع لحياتك من تاني واحمد ربنا انها جت لحد كده
شايف الشمس دي ؟؟ شايف البحر ؟؟شايف الهو ؟؟ شايف صحابك هناك و الناس حواليك
كل ده بيدور في مدار مرسوم و اللي حصلك مرسوم و مكتوب
انسي الهموم وابتدي من تاني بس متفكرش في اللي فات واتعلم منه
بس اللي فات كان صعب عليا و كل الافكار في دماغي اختلطت و مبقتش عارف افكر
طيب كان صعب ياتري هتفضل عايش فيه ؟؟؟ وتفكر فيه ؟؟؟ لا هيصلح اللي حصل ولاهيرجع اللي فات رتب افكارك و اعرف اخطائك و اعرف ان كل حاجة حصلت ليها حكمه وليها سبب وربنا دايما بيديلك اللي تستحقه
يابني الدنيا لسه حلوه و اللي جاي صدقني احلي بس عاوز صبر و مجهود والمهم انك تكون عرفت عاوز ايه و هتمشي ازاي
ومع اخر كلامه كنت خلصت الغدا ,واختفي مصحوب بنفس الموسيقي التصويريه و رحت علي المارينا اللي في وسط الميه بفكر في كلامه
و مرسوم علي وشي ابتسامه امل و فرح
ومرسومه علي وشه ابتسامه رضي و ثقه
:)
8 comments:
المهم ان ابتسامة الامل والفرح والرضى والثقه تستمرررررررر
:))
كانت رحلة منيلة بستين نيلة
والقرية مافيهاش غير مية
ومكناش جايبين مايوهات
وانا اقول انت سيبتنا ومشيت ليه .. اتاريك روحت لصاحبك اللي بيكلمك في المدونة على طول ده
=))
يااارب فعلا اللي جاي يكون احسن لينا كلنا
انت مش هتبطل انانيه <_<
اه احب اقولك ملاحظة كدا
انت التانى رغاى عن انت انت
على كل 10 جمل هوا يقولها تردا نت بجملة يا عينى
ايوة كدا سيبه يساوى حساباتك و يعملك جرد قبل السنة الجديدة
عشان كل احجة تبدا على بياض و نور
سنة حلوة ان شاء الله
سمسمه
يارب تستمر يارب فعلا
رغده
هههههههههههههههه
فعلا هو رغاي شويه بس عشان بيشرحلي كتير عشان يقنعني لاني مش سهل الاقناع
ريهام
انانيه ؟؟؟
ليه بس طيب
صلاح
ياراجل قول كلام غير كده
هههههههههههههههههه
انا عن نفسي انبسطت بالرغم من اللي قولته وبجد كانت رحله جميله
Post a Comment