ممممممممم عنوان غريب كعادتي صح؟طيب سوا كده هنفهم انا قصدي ايه
حد فيكم حس في يوم ان دماغه وقفت ؟؟؟
دماغنا وقفت ؟؟ ازاي يا ديد ايه الكلام الغريب ده م انت عارف ان الدماغ لما بتقف يبقي الانسان مات
ايوه انا مش قاصد المعني الطبي و ان كان برضه الانسان بيموت معنويا لو دماغه فعلا وقفت ولو حتي عن التفكير لكن تعالوا الاول نشوف انا قصدي ايه
ها حد حس في يوم ان دماغه وقفت عن كل حاجة
عن التفكير وعن الاحساس و عن الفرح و عن الحزن؟؟
و سيطر عليها احساس ضيق بسيط مصحوب باحساس لامبالاه و انك مش عاوز تعمل حاجة؟
و لما يجي حد يسالك عن الاسباب تقوله مش عارف
يابني مالك فيك ايه ؟؟ مش عارف
يا حبيبي ايه اللي جرالك ؟؟ والله م اعرف انا حاسس كده وخلاص و مش عارف السبب
طيب م تدور شوف ايه اللي وصلك للحاله دي او خلاك تحس بده؟؟ مش عارف والله وبدور مفيش هو بس تحس كده الواحد مخنوق و مش في المود اليومين دول و ملوش نفس يعمل حاجة ولا حتي يفكر
حصل الحوار ده قبل كده لحد ؟؟ مش بينه وبين نفسه.. حتي بينه وبين حد من صحابه ؟
يمكن حصل ويمكن محصلش لحد منكم ولكنه حصل ليا و لبعض اصدقائي مؤخرا
ولما قعدت مع نفسي كده و كنت بكتب البوست الجديد وبفكر في الموضوع ده لقيتني بغير فكره البوست للحكايه دي و حطيت كذا سؤال وقدامهم علامات استفهام
ايه اللي ممكن يحصل في يوم يوصلنا للحاله دي؟
وياتري ده بمزاجك ولا غصب عنك؟
قعدت ادور علي الاسباب اللي في يوم وصلتني للصوره دي بصراحه لقيتها مش واضحه المعالم
ولما سالت روحي السؤال التاني ده
يارتي بمزاجي ولا غصب عني؟
برضه ملقتش جواب واضح
ياعم ارحمنا ايه اللي بتقوله ده
استنوا صبرا هفهمكم انا بقول ايه
انا دورت ايه اللي ممكن يوصلني لحاله يقف فيها مخي و عقلي عن التفكير و يبقي مصاحب باحساس اني مش عاوز اعمل حاجة
ياتري ده سببه ايه
ضعف واستسلام - سلبيه وتكبير دماغ- ولا هروب
؟؟
شوفتوا الاحتمالات اللي جات في دماغي
فرضنا ان حصل اشكال او وقعت في مشكله ما وتوالي وراها احداث كتيره صعبه و مقرفه
و بعديها بمده كبيره حتي ولو كانت المشكله اتحلت والاحداث انتهت لقيت نفسك بتدخل في الحاله اللي بنتكلم عليها دي ويمكن شوفت حاجة فكرت باللي فات ويمكن تراكم احداث وكلنا عارفين انها ساعات بتبقي حاله و بتعدي وساعات تانيه بتستمر
طيب هل بقي سبب دخولك فيها ده
ضعف واستلام : انك خلاص مش قادر تواجه مواقف زي دي تاني و قرفان من اللي حصل كله و ده وقف تفكيرك خوف وضعف من تكرار الموقف
سلبيه وتكبير دماغ: من كل حاجة واي حاجة سواء مشاكل او مش مشاكل و سايبها زي م تيجي تيجي
ولا هروب : من جو عيشت نفسك فيه و بقي جزء منك ودلوقتي بتخرج منه و بتهرب عشان خلاص تعبت
لو بصينا وفكرنا في الاحتمالات دي علي طول هينط السؤال التاني في دماغنا
يعني بمزاجك ولا غصب عنك ؟؟
يعني انت اللي دخلت نفسك في الحاله دي بمزاجك ولا الظروف والمحيط اللي حواليك فرض عليك ده و جايز يكون هو اللي خلاك تضطر تعمل كده
ولما تدور علي الاجابه تلاقيها
مش عارف
طيب الاجابه برضه دي ياتري فعلا مش عارف ودي مرحله عدم اتزان ولخبطه ولا برضه هروب من انك تدور علي الاسباب ولا اصلا اصلا انت عارف الاسباب و بتهرب من انك تقولها او تتكلم فيها
بوست ملخبط؟؟ مش مشكله عشان بس عندي امتحان بكره :D
بس حبيت اسجل اللحظه دي لواحد اعرفه
واسيب السؤال ده ليكم تردوا عليه لو حصلتلكم الحاله دي
ياتري بمزاجكم ولا غصب عنكم ؟؟
واوعي حد يقولي مش عارف
:)
18 comments:
طب تخيل فعلا مش عارفه
(:
انا فعلا كتير بمر بالمرحلة دى و مش بعرف السبب
بس فى الاخر بحس انه زهق انى زهقت من اللى بيحصل فخلاص مش قادرة استحمل
اممممم هروب ؟؟
ممكن . لكن هروب مستتر يعنى الواحد مش عارف انه بيهرب بيكون فعل تلقائى كده لما يكون اتحمل اكتر من طاقته
بس اعتقد انها غصب عنه ظاهرى و باطنى بمذاجه
ربنا معاك فى الامتحان
(:
ممممممممممم مش عارفه
:Pههههههههههههه
انا كتبت كومنت تقريبا اطول م البوست بتاعك بس مسحته مش عارفه ليه؟؟
بس كل اللى اقدر اقولهولك انى الحالة دة بتكون بسبب عدم صراحة مع النفس
يعنى غالبا هروب زى ما بتقول
وبعدين مش كل واحد مر بموقف معين هيضعف ويستسلم ويخاف ويهرب لا لازم يقف من جديد ويكمل ويبدا صفحة جديدة
وان شاء الله هتكون احسن م اللى فات
اهم حاجة ركز عشان الامتحان بتاع بكرة وزاكر كويس
و يا رب تنجح يا تتح
:D
عجبني البوست ده بجد حساه مختلف عن اي بوست فات ودخل مزاجي قوي معرفش ليه
طيب هو انا حصلتلي بس علي خفيف يعني كنت لسه هبدأ ادخل في المود ده ولحقت نفسي
وكنت هجاري الظروف اللي حطتني فيه يعني نقدر نقول بمزاجي نص والنص التاني علي الظروف
وكان بسبب الزهق والتعب من المقاومه ومحاوله اني الاقي حلول .... الخ
اممممممم يعني
عارف لما مركبك تغرق وسط البحر وتفضل تسبح وتعافر عشان توصل للشط وبعد فتره تحس بالإرهاق والتعب وانك مش قادر تكمل
اهه هو ده اللي حصل فمددت علي وش الميه واخدتلي بريك بس مكنش ينفع اطنش واكبر دماغي لاني كنت هغرق ولان انا مع الاسف من طبعي اني اواجه
وعمري ما بهرب لاني عارفه اني مسيري فيوم هاواجه فباخدها من قاصرها
وعلي فكره ده مش ديما ميزه
والحاله دي انا بعتبرها بريك بس مش بسوق فيها بصراحه يوم يومين تلاته بالكتير وببدأ اخرج نفسي
وأول الخطوات اني اخرج من العزله
وحاله الملل للإنشغال والكلام والنقار
وبتنفع
طولت المرااادي ههههههههه
اه بالحق بالتوفيق في الاختبار يا دوك
ياه يا ديد
انا عايشه بالاحساس ده من اول السنه
احباط وزهق ويأس وملل
حاجه كده تخلى الواحد يقول يارتنى كنت ميت احسن
بس انا عارفه ايه اللى خلانى كده
الدراسه وغياب الصديق ومشاكل فى البيت ومافيش حد افضفض معاه من غير مايهرينى نصايح وعظات
ماحدش فاهمنى ولا حد عايز يعرف انا زهقانه ليه
ماحدش بيسمعنى ولا عايز يستحمل زهقى
كل الناس زهقانه اه وماحدش طايق حد انما ليه عايزنى اخبى انا زهقى وافرح وابتسم واضحك
ازاى يعنى يكون جوايا زهق وعايزينى اضحك واهرج
ويقولوا عايزين بندقه بتاعة زمان
هى فين دى؟؟ اذا كنت انا نفسى مش لاقياها
يلا عشان انت مالكش ذنب تسمع كل الزهق ده
بس اعمل ايه دايما بوستاتك بتيجى على الجرح وانا مابعرفش اكتب واعبر زيك
عملت ايه فى الامتحان النهارده
يارب يكون كويس مش زيينا
اهه بتحصلى كتير
لما المشاكل تقعد تتركب فوق بعض
وماعرفش اعمل اى حاجة
مش دماغى بس اللى بتقف والله , كل اجزااااااء جسمى
حتى عينى مابترمشش , ودموعى مابتنزلش , وبوقى كمان مابيتحركش من الضعف مش من السلبية , ضعف اودام الموقف
التعليقات طويله هبقى اقرأها بعدين هرد دلوقتى وهابقى ارجع تانى
اممممممم
عاوز تعرف بجد الحوار دا دار امتى النهارده الصبح انا وصحتى فى العربيه ..
عاوز تعرف بردوا بمزاجى ولا غصب عنى هقولك لكن ما تضحكش بمزاجى وغصب عنى طب ازاى يابنتى الى بتقوليه دا انتى اتجنتى ادى اخرة بتوع طب -_-
لاء يا ديد ما تجننتش بمزاجى عشان انا فعلا عارفه الاسباب بمزاجى عشان انا زى ما قلت تمام قرفت ومابقتش قادره ولا طايقه اتحمل بمزاجى عشان انا بهرب ولو عالجت الاسباب هرتاح وانا عارفه كده اوى طب وايه با بنتى حكاية غصب عنك دى <_<
غصب عنى عشان انا حاولت مره واتنين وعشره وزهقت من جوه بقيت شايفه الطريق الى اخره نور الى هو الفتحه الصح الى هتخرجنى لكن قوتى نفذت خلااااااص لازم مش قادره امشى لحد الفتحه دى لازم اعد اكبر دماغى واهرب وارتاح وبعد كده الملم شتات روحى تانى واقوم واحده واحده لحد ما اوصل فهمت ليه بقى قلت لك بمزاجى وغصب عنى يا ديد
رغيت انا كتير اوى المره دى ^_^
هلا ديد
:)
.......
انت بتوصف حالي تقريباً
أيوة ياسيدي أنا مريت بالموقف ده كتير
بس مش لسبب من الأسباب المذكورة
بالنسبه لي
بيبقي توقف الدماغ
سببه الأساسي
إن دماغي نفسها عامله زي الموتور
بتوررررررر طول الوقت
بافكر في الفاضيه والمليانه
ووالله غصب عني
غصب عني بافكر وافكر وافكر
لغاية ما دماغي هوب
مش قادرة تكمل لف
تقوم تقف
وانا بقي الاقيني في مود التوهان ده
عاوزة اسكت وبس
مش عاوزة اكلم حد
مش عاوزة اعمل حاجه مطلقااااااااااا
.....
:)
أكيد مش بمزاجي يعني
...
دمت بخير انت ودماغك اللي بتطلع لنا المواضيع دي
:)
سلام
ايه يا ديد؟
هى الامتحان خلص عليك ولا ايه؟
رحت فين؟
sweet violet
كويس انك عارفه السبب و عارفه سواء بمزاجك ولا لا كتير فعلا بتبقي الاجابه عندهم مش عارف لحد لما يخرجوا منها او حتي ميخرجوش
:)
dina
تاني واحده تقول هروب
بس انتي قولتيلي بعد كده مش عارفه :P
ريهام
كالعاده اطول الكومنتات اللي بتسعدني
هههههههههههههه
بحب اسمع تفسيراتك للي بيحصلك
ربنا يوفقك في الامتحانات انتي كمان :)
بندقه
ههههههههههههههههههههههه
دايما كومنتاتك لا تخلوا من خفه الدم وان كانت تحمل في طابعها جديه
بالنسبه للامتحان فعملت مش كويس الحمد لله و ان شاء الله تتعوض في اللي جاي :)
زي الهوا
ضعف؟
حد غير السبب اهو وطلع ضعف مش هروب
كويس فعلا بجد انكم لاقيين الاجابه علي السؤال :)
حنان
هههههههههه
انتي عاوزالك مدونه زي سكيزوفرينيا
شكلنا كلنا لسعنا خلاص
هههههههههههههه
وعلي فكره مرغتيش خالص :)
ليساندرا
دمتي لينا و دامت تعليقاتك و مرورك الهاديء علي المدونه
وكويس فعلا انك عارفه انها مش بمزاجك برضه :)
ياة كتييييير
تملى يا تحصل وبفضل النوم بدل ما يجرالى حاجة
وانا فى الحالة دى دلوقتى وبيبقى غصب عنك طبعا
طبعا انا جيت متأخرة بس يا ريت تكون جاوبت حلو فى الامتحان
زوجه عنيده
ولا متاخره ولا حاجة و اكيد جاوبتي حلو مدام عرفتي بتحصلك امتي وفين وليه :)
Post a Comment