No talking any more ,now it is the time to end the discussion
ساعات بيجي وقت بيبقي الكلام ملوش لزوم او فقد معناه او حتي محتواه وجوهره
وبيبقي جه الوقت اللي انت تسكت فيه و تنهي النقاش لان خلاص مبقاش ليه لازمه الا مضيعه وقت ومجهود و تعب اعصاب
وساعات تانيه بنحتاج الصمت عشان نشوف ونتابع اللي حوالينا من غير تدخل مننا ونتعلم من اخطاهم ومن اخطائنا
وساعات الصمت بيريح
وساعات برضه بيبقي اعتراض
وساعات بيكون ضعف وساعات بيكون قوه
المهم انك امتي بالظبط تعرف تلتزم السكوت وامتي بالظبط يكون ليه فايده
واديني بلتزم السكوت دلوقتي وبنهي النقاش في اي موضوع بس مش معاكم انتوا طبعا لان مدونتي هي احسن حاجة السنادي والسنه اللي فاتت عملتها
انا بنهيه مع اي حد الكلام معاه بيروح في طريق مسدود ومع اي حد النقاش بياخد اتجاه اللي يروح ميرجعش
لان فعلا مبيجيش غير التعب والحيره لما يكون اللي قدامك مش مستعد للنقاش او الكلام معاه بيتفهم غلط او زي م قولت بيروح في طريق تاني
وقتها لازم ترفع رايه السكوت وتقوله انتهي النقاش
وانا دلوقتي برفعها وبلتزم الصمت وبكتفي بالمشاهده وبقولها بصوت عالي
End of discussion
25 comments:
زى ما قولتلك احيانا بيتطلب علينا نخرج برة الدايرة عشان نشوفها كاملة
وعندك حق فعلا الصمت بيرح كتييييييييير بس مش علطول يعنى ما نطولش فيه قوى عشان ممكن يقلب باكتئاب لا دة اكيد
وبرضه زى ما قولتلك خلاص هى عامة ما بقتش دايرة خلاص بقت عبارة عن مجموعة نقط كانت جنب بعضيها وبعدين اتنتورت وقريب قوى هتتلااااااااااااااااشى
فريح اعصابك م الاخر وسيبها ع الله والزمن ههههههههههههههههههههههههههه
وطنش تعش تنتعش
:P
أه صحيح
انت بتقول
وساعات الصمت بيريح
وساعات برضه بيبقي اعتراض
وساعات بيكون ضعف وساعات بيكون قوه
فيه نوع كمان الصمت ساعات بيكون رضا
مش بيقولو السكوت علامة الرضا
هههههههههههههههههههههههه
فعلا ساعات الواحد بيحتاج انه يتوقف عن الكلام و ساعات بيبقى عاوز يتوقف عن السمع كمان
ديه فترات بتأتي الانسان
أوافقك الرأي إلى حد كبير ، وأتحداك إن استطعت التزام الصمت طويلاً ، قريباً جداً ترتد إليك عدوى الجدال.
تقبل مروري وتحياتي
فى الحاله اللى انت بتقول عليها فعلا الصمت افضل شئ و بيريح جداااا
بس عارف بقى ان وقت ماتقول كده مش هيسيبك فى حالك و يحاول باى طريقه يرجعك تتكلم تانى و تناقش
و ده بقى هيعتمد على قدر احتمالك هتقدر تستمر فى الصمت ولا هترجع تانى
تحياتى
(:
انا مش فاهم انت تقصد ايه بالظبط
لأنك أكيد تقصد موضوع بعينه
لكن أنا بحييك على فكرة الموضوع
أو نواة الحديث
أعتقد ان لغة الصمت مهمة جدا في التعامل
بس التعامل مع مين بقى ؟؟
أعتقد ان اللي انت هتفضل انك لما تسكت علشان الكلام مش هيجيب نتيجة
الشخص ده اكيد أقل فكريا من انه يفهم انت ليه أصلا فضلت الصمت
أنا مش بعترض على فكرة خالص لأني كتير بلجأ للصمت
بس عايز أوصل ان اللي قدامك برده مش هيفهم
تقبل مروري
تحياتي
بعملها كتير لما بحس الكلام هيجيب مشاكل وانى مهما اتكلمت مش هيجد جديد
فبريح نفسى خالص واسكتويا سلام بقى لو السكوت دة بيحسس اللى قدامى انة غلط
فبقيت اعمل كدة دايما
بالاخص لما لاقيت نفسى لما بتكلم اكون عصبية وبضيع حقى
فبسكت واسكت واسكت
والحمد لله ربنا بيجلى حقى
وسلام
دوام الحال محال وحلو اننا نعرف الوقت المناسب لكل تصرف :)
كتر الكلام فعلا بيتعب النفس والدماغ و انا تعبت و رفعت راية الصمت من امبارح خلاص بالنسبة الي قالو هترجع تاني طب و فيها اية ما الانسان دايما بيحتاج يتكلم ينفس عن نفسة يناقش يجادل بس بعد ما تكون ساعتها اخدت هدنة تشحن فيها بطاريتك عشان تقدر ترجع تاني و ما تستنفزش طاقتك كلها في كلام مالوش لازمة لآخر قطرة
تقبل مروري ..
نقف ونربع ايدينا ونتفرج وبس
بس مخنا شغال تفكير وتحليل للامور
انه الصمـــــت الرهيـــب
قد يكون بداية وقد يكون نهايه
قد يكون راحة ورضا وقد يكون مؤلم ومحزن
ده الصمت بالنسبالي
:)
dina
ربنا يدوم عليكي التطنيش ده عشان انتي فعلا محتاجاه قوي الفتره الجايه دي
واحده مفروسه
هي فعلا فترات وبتجيلي كتير بس دايما ببقي مش قادر اسكت عشان بيتفرض عليا الكلام لكن دلوقتي مبقتش قادر اتكلم تاني
هيثم مكارم
انا مش هلتزمه طويلا الا مع اللي الجدال معاهم بياخد طريق عقيم ميت ملوش نهايه ومظلم عشان كلامي ونقاشي مش هيعود عليا غير بتعب الاعصاب
Sweet Violet
لا مش هيقدر يرجعني تاني الا لو حسيت فعلا انه اتغير وكلامي معاه بيجيب نتيجه مش زي م اكون بكلم نفسي ووالله لو بكلم نفسي ساعات بتقتنع هههههههههه
MONDAHESH
الله م انت طلعت اهو فاهم كل حاجة :)
زوجه عنيده
السكوت برضه طريقه جميله عشان اللي قدامك يحس بغلطته ولكن ساعات بيتفهم ضعف لكن انا هنا عامله موقف قوه مش ضعف لاني مش اللي غلط
ريهام العربي
الله اول مره تكومنتي كومنت صغير كده ههههههههههههههههههههه
حنان
فهماني انتي دايما كده :)
فعلا عادي لما نرجع بس بنحتاج فعلا فتره نشحن نفسنا تاني ونهياها لده
سمسمه
مممممممممممممممممم
بس مش هو ده اللي اقصده
:)
ما انا عارفه
:)
انا عاوزة اقول انك وانت ساكت وخلاص مبقتش عاوز تتكلم كتير لانك تعبت
مخك برده مش بيقف مش بيرتاح عن التفكير
شغال بياخد وبيدى مع نفسك
بس برده مش مرتاح
عشان كده ساعات صمتك هيكون ورضا وراحه باخر حاجه انت قلتها
او مؤلم ومحزن لانك لو اتكلمت اكتر من كده هتروح لطريق مسدود
و ع حسب برده اللي قدامك واللى كنت بتتكلم معاه
بس كده....:)
اموشن مخضوض وبعدين مكثوف
اول مره ايه يا دكتور ده تاني واحد علي ما اذكر
:D اصلي بوفر في الكهربه والمايه
الدنيا غليت
نقتل فى بعضينا ونحتل اراضينا ونقول عملوها الاجانب
وناخد مواقف غلط وناكل الزلط وننحاز لاسوأ جانـــــب
ونبكى ونتباكى ونشكى ونتشاكى بوداعة الارانـــــــــــب
ونكذب ونتكاذب وبالعداوة نتجاذب مع كل الجوانــــــــب
نتأمر وكاننا نتسامر وفى الواقع نتحامر حـــمورية فظيعة
فالقتل على الهوية وبالبــــــندقية وبكل الطرق الوضيعة
ولا نفرق بين شيخ ولا شاب ولا امرأة وطفلتها الوضيعة
المهم الانجاز بالتفجير والاعجاز والطلقات السريعـــــــــة
ونقول ببراءة عملوها الاجانب دون قراءة الواقع والطبيعة
ـــــــــــــــــــــــــــــــــــــــــــــــــــــــــ
سمسمه
مممممممممممممم فهمت قصدك ايه :)
ريهام
انتي هتقوليلي علي الغلاء اللي بقينا فيه
ده عاوزله مدونه لوحده ههههههههههه
كلام علي بلاطه
جميله القصيده دي جدا وليا زياره للمدونه قريب جداااااا
Post a Comment