ساعات تمر من عمري ثواني
وساعات تمر عليا سنين
ساعات نقول ده العمر فاني
والعمر يجري ومش حاسين
ساعات بحب وساعات بخاف
وساعات فيها الدموع تتشاف
ساعات بحن لايام زمان والذكريات
وساعات نقول ايام وعدت واهو كله فات
و تمر ساعات وراها ساعات
والفكر واقف من سكات
والصمت سايد علي المكان وعلي الوجود
والدمع نازل يحفر طريقه في الخدود
يروي الالام
تكبر و تمسح الابتسام
من غير كلام
سايب اهات وسط الساعات
وتعدي ساعه وساعه تانيه
خلاص مبقاش في العمر ثانيه
خصلت ساعاته وسط الجراح
وسط الاسي
في الحزن والدمع العمر راح
والفرح اتنسي
ويفيد بايه بس الندم علي اللي فات
مدام العمر ضاع ومفضلش فيه
ولو ساعات
18 comments:
ساعات بحب وساعات بخاف
ليه دايما بنربط الخوف بالحب دايما مش عارفة؟
مافيش حد يقول بحب الا بعديها يخاف نفسى اعرف من ايه ؟
المفروض الحب دة يطمن يريح يفرح مش يالم ويخوف انا فعلا بستغرب!!!!!!!!!!1
تعدي ساعه وساعه تانيه خلاص مبقاش في العمر ثانيه
مهما تعدى الساعات لسة باقى فى العمر ساعات اكتر م اللى فات بس لو موجود امل
لا حياة مع الياس ولا ياس مع الحياه
العمر راح والفرح اتنسي ويفيد بايه بس الندم علي اللي فات مدام العمر ضاع ومفضلش فيه
ولو ساعات
الجملة دة صعبة قوى واحساسها بشع
بس كل اللى اقدر اقولهولك ما تندمش على حاجة فاتت وعدت خلاص خليك عندك امل فى بكرة واكيد هيبقى احلى واحلى
:D
بعيدا عن دة كله البوست تحفة واسلوبة حلو سلمت يداك
شكلك ما بتعرفش تكتب حلو فعلا الا وانت حزين
يا سبحان الله مش هتكتب بقى حاجة حلوة تفرح بقى يلا ربنا يفرحك قريب وتكتب كتير ان شاء الله
:D
العنف ومنبعه
بنعلم ولادنـــــــــا شعـار اللى يضربك اضربه
من غير ما نعلمهم خطورة الضــــــــرب ومقصده
وتركنا التسامح والعــــــــفو وخالفنا موعده
ونستغرب زيادة العنف ونقعــــد نولول ونعدده
ما العنف احنا اللى زرعناه بكلامنا وتـــشدده
ونتباكى على ضحايا فكرنا وكلامنا اللى بنردده
ودموع التماسيح لن تحل مشاكلنا المتعدده المتردده
ولا تلغى افكارنا الهدامة المسيطرة المتمـــــددة
فى عقول تبلدت بافعال التخلف المتزايـــــــدة
مرسلة بواسطة كلام على بلاطة
ااااااااااااااااااااااااه ياني
فكرتني باللي راح من عمري يلا هناخد زمنا وزمن غيرنا :(
قريتها 3 مرات عشان اقتبس كلام بس مش عرفت الخاطره كلها علي بعضها بتتكلم عن احاسيس وافكار بتجيني
بس جاااامده بجد
اخيرا كتبت خواطر والله كان في بالي اسألك بطلت تكتب خواطر ليه ؟
ولكم بااك ومش تبطل تكتب
:)
ايه يا بنى ايه اليأس دة
ونبرة الحزن فى كتاباتك
والزعل على اللى راح
الدنيا لو على وتيرة واحدة هتتخنق
لازم يوم فرح يوم حزن
هو فى يوم زى اللى قبله
الدنيا اربع فصول
وعمر الدنيا ما فضلت على حال حتى القلوب بتتغير
واحنا فى رحله بنمشى فيها من البدايه لحد ما نوصل فى النهاية
بلاش حزن اضحك للدنيا تضحكلك
ايوه فعلا فى ساعات حزن وساعات الم
بس الحمد لله فى ساعات فرح وسعاده
وساعات ننسى اللى بيحصل ونعيش فى الحلم
بس الحمد لله عايشين
ويارب بكره يكون احلى من النهارده
ياعم افرح بقى
ده بيقولوا اننا بنعيش احلى ايام عمرنا
مش عارفه ايه اللى هيحصل بعد كده
وتعدي ساعه وساعه تانيه
خلاص مبقاش في العمر ثانيه
خصلت ساعاته وسط الجراح
وسط الاسي
في الحزن والدمع العمر راح
والفرح اتنسي
ويفيد بايه بس الندم علي اللي فات
مدام العمر ضاع ومفضلش فيه
ولو ساعات
اكتر حاجة لفتت انتباهي في الخاطرة...وفعلن وقفت لحظة وسألت نفسي ...ليه بنسيب نفسنا لما تخلص ساعات العمر وسط الجراح...وليه بننسي الفرح وبنفتكر بس الجراح ونندم عليها...واحنا اصلا مش هنقدر نغير حاجة..لان الزمن ماشي للامام مش للخلف عمرنا ما هنقدر نرجع الزمان علشان منعملش الحاجة اللي ندمنا عليها...لكن لازم نحمد ربنا علي الحاجة دي بردوا حتي ولو وحشة لان اكيد علمتنا حاجات كتير حاجات متخليناش نندم بعد كده..ودي من نعم ربنا علينا فعلا...لكن الاهم اننا منفضلش عايشيين علي اطلال الماضي...ونحاول نفتكر دايما الكويس فيه..لان دنيتنا عايزة البني ادم القوي اللي ميقعش..لازم مهما مر بظروف يقف و يكمل كده هيكسب الدنياوهيكسب الاخره بصبروا ...عمتا المدونة حلوة اوي يا جاد...ربنا يوفقك منتظرين المزيد:))
:angry:
هو حد موصيك عليا طب عندا بقى مش معيطه <_<
هدمع بس :(
ساعات تمر من عمري ثواني
**
لما ابقى فرحانه ^_^
وساعات تمر عليا سنين
**
لما الواحد يبقى منتظر حاجه بلهفه وشوق او زحلان وكئيب
ساعات نقول ده العمر فاني
والعمر يجري ومش حاسين
**
عشان ما بنعرفش نعيش حيتنا صح
<_<
ساعات بحب وساعات بخاف
**
اممم تقريبا الحب خوف عشان دلوفتى حلو وبتخاف تفوت ويضيع الفرحه بتاعته والى بعده مجهول ؟؟؟؟؟؟؟؟
وساعات فيها الدموع تتشاف
**
جامده اوى اوى اووووى الحته دى :(
ساعات بحن لايام زمان والذكريات
**
تانى حنين :o
وساعات نقول ايام وعدت واهو كله فات
**
لما بتبقى وحشه فقط ...
و تمر ساعات وراها ساعات
والفكر واقف من سكات
والصمت سايد علي المكان وعلي الوجود
والدمع نازل يحفر طريقه في الخدود
يروي الالام
تكبر و تمسح الابتسام
من غير كلام
سايب اهات وسط الساعات
**
الجزء دا بجد مؤثر جدااااااااااااااااا جدااااااا وحلو اوى اوى
وتعدي ساعه وساعه تانيه
خلاص مبقاش في العمر ثانيه
خصلت ساعاته وسط الجراح
وسط الاسي
في الحزن والدمع العمر راح
والفرح اتنسي
ويفيد بايه بس الندم علي اللي فات
مدام العمر ضاع ومفضلش فيه
ولو ساعات
**
ضيعته ليه طيب و خلصته العمر ليه لكن العمرما بيضعش حتى لو خلص طول ما الى تعرفهم ذاكرينك بالخير واعمالك الصالحه عايشه بينهم :)
**** ماشاء الله احيك كتابتك رائعه بجد
إحساسك جميل والله يا دكتور
:)
عجبتني جداً على فكرة
إلى الأمام.
تقبل مروري،
حسام خليل
Anonymous
اتكلمنا واتناقشنا و فهمتك انا قصدي ايه و صدقني الندم مش علي كل حاجة فاتت ولا اي حاجة بس فيه حاجات لازم تفضل حاططها في دماغك عشان تتعلم منها و تاخد بالك بكره :)
ابو المفاصل الواصل
جميله قوي القصيده دي اشكرك لمرورك و انك حطتها :)
ريهام
ههههههههههههه
زمنا وزمن غيرنا
ده انتي لسه معدتيش ال21 يا بنتي ههههههههههههه
زوجه عنيده
مفيش ياس ولا حاجة بس بقالي كتير مكتبتش خواطر ميت فقولت اعملكم حاجة :)
بندقه
والله فرحان مش انا كده يعني انا حبيت اوضحلكم صوره انسان قعد طول عمره يبكي وحزين لحد لما اكتشف ان عمره راح منه في الحزن
انا لسه الحمد لله شويه :))
ocean storm
اول تعليق ليكي عندي و طبعا طبعا فرحت قوي بييييييييييييييييييه
عندك حق فعلا وزي م قولتي و انا كمان ان لازم نبقي بنبص علي اللي فات ونتعلم منه مش نقعد نبكي عليه و جايز انا موضحتش ده في البوست عشان انا فيه بوصف انسان فضل حزين طول الوقت لحد لما اكتشف ده في النهايه بس الناس فهمته عليا :))
حنان
طيب اقول ايه انا بقي بعد الكومنت الجميل ده و صدقيني انا مش قاصد اعيطك ولا حاجة وهبطل اكتب خلاص كئيب ولا حزين الفتره الجايه و هدور علي حاجة تانيه
بجد بجد كومنتك رااااااااااااااااائع علي البوست و عجبني مووووووووووووووت
حسام خليل
بجد انا مبسوط قوي انها عجبتك وخاصه الاسلوب والاحساس مكنتش متوقع انها تعجبك لاني عارفك ذواقه للشعر والادب مش الافتكاسات الكتابيه :)
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
Post a Comment