اللي قبلينا قالوا ايه ؟؟
اعرف صاحبك وعلم عليه
اعلم عليه؟؟ ازاي مش فاهم
ايوه تعلم عليه مش تطلع مطوه وتعلم علامه في وشه يعني ..لا انك يعني تحطه في خانه كده لوحده
طيب اعلم علامه ايه صح ولا غلط؟؟
اكيد صح لانك لو علمت غلط يبقي مش صاحبك ومش محتاج انك اصلا تعلم عليه لانه ولا يفرق معاك
والصاحب مواقف مش مجرد واحد معايا في الكليه ولا المدرسه ولا الشغل
ولا واحد بنروح سوا ولا بنحضر مع بعض ولا حتي بنكلم بعض يوميا
الصاحب مواقف
مواقف ؟؟ ازاي
يعني صاحبك هو الانسان اللي تلاقيه جنبك وقت شدتك ووقت فرحك او حزنك ووقت انكسارك او نجاحك وهو برضه الانسان اللي يقدر يقدرك ويقدر مشاعرك و مبيزعلش منك علي التفاهات
اللي مهما اتخاصمتوا ولا اختلفتوا بترجعوا لبعض بمجرد لما تتقابلوا تاني يوم
اللي ميهمكش مين فيكوا الغلطان لكن يهمك انكم تفضلوا مع بعض
اللي يقدر يسامحك علي حاجة عملتها فيه و ينساها مش يشيلها جواه
الله وانت قولت ايه جديد م كل ده عارفينه؟
وانا مش بكتب عشان اقول جديد انا بس بفكركم بمعني صاحب لان ناس كتيره نسيته و ابتدت تفقده ومش تعرفه
وكتير منا عايش وحيد وكتير فقد الثقه في اللي حواليه
عشان كده انا حبيت افكركم بمعني صاحب
يمكن الصاحب بالمعني المثالي قل في الايام دي او ان مشاغل الحياه والاهتمامات الشخصيه طغت علي نقاط كتيره جوانا وخلتنا مجرد زمايل شغل او مكان
بس لسه برضه فيه الصاحب اللي بتكلم عليه
اللي بيخاف علي صاحبه ويفرح لفرحه ويحزن لحزنه
اللي ميعرفش يبات وهو زعلان مع صاحبه ويجري يرفع سماعه التليفون يصالحه
انا مبقولش ان اللي مبيعملش كده مش صاحب لا كل واحد وعلي حسب شخصيته وكل واحد و زي م اتعود من صوحابه
بس الصاحب لازم يكون كده واكتر
ومش مكالمه تليفون ولا رنه موبايل و لا خروجه وضحكه و نكته و بسمه خلاص بقينا صحاب ولا هي دي الي هتبين قد ايه احنا صحاب
االصاحب بيبان في الوقت الجد والمطلوب
ونرجع تاني ونقول
اللي قبلينا قالوا اييييييييييه ؟
اعرف صاحبك وعلم عليه
:)
اعرف صاحبك وعلم عليه
اعلم عليه؟؟ ازاي مش فاهم
ايوه تعلم عليه مش تطلع مطوه وتعلم علامه في وشه يعني ..لا انك يعني تحطه في خانه كده لوحده
طيب اعلم علامه ايه صح ولا غلط؟؟
اكيد صح لانك لو علمت غلط يبقي مش صاحبك ومش محتاج انك اصلا تعلم عليه لانه ولا يفرق معاك
والصاحب مواقف مش مجرد واحد معايا في الكليه ولا المدرسه ولا الشغل
ولا واحد بنروح سوا ولا بنحضر مع بعض ولا حتي بنكلم بعض يوميا
الصاحب مواقف
مواقف ؟؟ ازاي
يعني صاحبك هو الانسان اللي تلاقيه جنبك وقت شدتك ووقت فرحك او حزنك ووقت انكسارك او نجاحك وهو برضه الانسان اللي يقدر يقدرك ويقدر مشاعرك و مبيزعلش منك علي التفاهات
اللي مهما اتخاصمتوا ولا اختلفتوا بترجعوا لبعض بمجرد لما تتقابلوا تاني يوم
اللي ميهمكش مين فيكوا الغلطان لكن يهمك انكم تفضلوا مع بعض
اللي يقدر يسامحك علي حاجة عملتها فيه و ينساها مش يشيلها جواه
الله وانت قولت ايه جديد م كل ده عارفينه؟
وانا مش بكتب عشان اقول جديد انا بس بفكركم بمعني صاحب لان ناس كتيره نسيته و ابتدت تفقده ومش تعرفه
وكتير منا عايش وحيد وكتير فقد الثقه في اللي حواليه
عشان كده انا حبيت افكركم بمعني صاحب
يمكن الصاحب بالمعني المثالي قل في الايام دي او ان مشاغل الحياه والاهتمامات الشخصيه طغت علي نقاط كتيره جوانا وخلتنا مجرد زمايل شغل او مكان
بس لسه برضه فيه الصاحب اللي بتكلم عليه
اللي بيخاف علي صاحبه ويفرح لفرحه ويحزن لحزنه
اللي ميعرفش يبات وهو زعلان مع صاحبه ويجري يرفع سماعه التليفون يصالحه
انا مبقولش ان اللي مبيعملش كده مش صاحب لا كل واحد وعلي حسب شخصيته وكل واحد و زي م اتعود من صوحابه
بس الصاحب لازم يكون كده واكتر
ومش مكالمه تليفون ولا رنه موبايل و لا خروجه وضحكه و نكته و بسمه خلاص بقينا صحاب ولا هي دي الي هتبين قد ايه احنا صحاب
االصاحب بيبان في الوقت الجد والمطلوب
ونرجع تاني ونقول
اللي قبلينا قالوا اييييييييييه ؟
اعرف صاحبك وعلم عليه
:)
21 comments:
:(
سوري الكومنت حصل فيه لخبطه وتم الاصلاح :D
******************
هييه هييه تاني كومنت
بس هي دينا زعلانه ليه :HUH:
يا بونيتي لا تحزني مسيرك تلاقي حد تعلمي عليه :LOL:
بالنسبه للبوست انا مصاحبه 3 ولحد دلوقتي متردده في التعليم عليهم مش لعيب فيهم لا لعيب فيه .. خايفه مش منهم من الزمن اللي ممكن يفرقنا
ميرسي بالكوم علي التذكره :D
اعرف صاحبك وعلم عليه
بقى اللى قبليك قالوا كده
على كده انت قدييييييم اوى
اصل انا ماحدش قبلى قال كده
:p
بس كلامك صح وعشان كده انا بقول ماليش اصحاب
اه ليه زمايل كتير
بس مافيهمش صاحب صاحب يعنى
وعادى يعنى لسه عايشين والحمد لله
حلووووووة
اعرف صاحبك وعلم عليه
ألا اللى قبلينا اتقرصو اوى من اصحابهم واللا ايه ؟
بس هما يقصدو على فكرة اننا نحط عليه علامة غلط
يعنى صاحب يغدر بيك
وياكل ويشرب معاك وناقص ينام جمبك عشان يحلم احلامك وفجأة تلاقيه كسر كوباية الميه وكسر الطبق اللى كلتو فيه هنا تعلللللم عليه وعلامة اكس كبيرة كمان
عجبنى اوى البوست
تقبل مرورى ياريس
انا كنت بفهم الكلمة دى غلط
انا كنت فهماها على انهااعرف عيوب صحبتى واعلم عليها يعنى اعرف انها فى الموقف المشابه هتعمل كدة
واكيد مفيش حد خالص من العيوب
فبالتالى بعلم علية يعنى اعرف عيوبة
تحياتى
هو أنا اللي أوحتلك بالبوست ده ؟؟!!!
على فكرة انا مش من انصار كلمة وأنت جبت ايه جديد يعني.. لاني مؤمن ان كل الكلام اتقال قبل كده بس احنا كل اللي علينا نعمله هو اعادة طرح هذا الكلام من جديد مرة اخرى ... انا بأستفاد من أي حاجة اقرأها .. وعلى فكرة انا استفدت جدا من كلامك وفهمت معنى جديد للجملة ... يعني قشطة
الصداقه فعلا مواقف
وقت الرخاء تلاقى الناس كلها اصحابك
بس وقت الجد الاصحاب بس هما اللى بيبانوا
بس مفهمتش قصدك ايه بعلم على صاحبك
معلش مفهمتهاش
عندك حق
فيه كتير نسيوا فعلا المعنى الحقيقي للصحاب و اختفوا من حياة الواحد من غير أي مقدمات. بأة وجودهم في الوقت اللي محتاجهم فعلا فيه شبه مستحيل
الانشغال دي حاجة كلنا عارفينها. بس انشغال الناس مش بيمنع إنك تلاقي"لحظات"حتى بس.. تقول إنك لسة عايش
تفكر الناس اللي بتحبهم إنك لسة في حياتهم
أوحتى ترن رنةموبايل على الأقل زي ما بتقول :)
أول مرة أعلق هنا بس مش أول مرة أزور المدونة خــالص بصراحة. استجمعت كل شجاعتي وقررت أعلق :). مدونتك جميلة أوي ماشاء الله. بس بوستات السنة اللي خلصت حبيتها أكتر من الأحدث مش عارفة ليه! بس بجد من أحلى المدونات اللي شفتهاو مواضيعها جميلة أوي..خصوصا موضوع البحر اللي ظلمه الناس و "بكلمةمنك". برده جميل أوي
بس أحلى مافي المدونة الحقيقة..:)هي الموسيقى.بجد تـــحفة، رااائعة. كنت بفكر أسرقها منك بس تراجعت وقررت أبقى بنت طيبة
:) تحياتي لمدونتك الجميلة ولحضرتك أكيد
دينا
:)
ريهام
ابقي تعالي كل يوم :P
bondoka
الحمد لله
بس دوري جايز تلاقي الصاحب ده يا بندقه
ملكه بحجابي
انا عارف ان قصدهم زي م انتي قولتي بس انا حبيت افهم الناس وجهه نظر تانيه و العلامه اللي تتحط تبقي صح مش اكس
و اكيد مرورك اسعدني
زوجه عنيده
هي معظم الناس فهماها زيك كده وعشان كده انا حبيت افهمهالهم بطريقه تانية :)
محمود طه
لا مش انت بس ليه ؟؟؟
احمد 1316
ربنا يكرمك يا احمد يارافع معنوياتي
بحب اقرا تعليقاتك جدا علي فكره
نيمو
قصدي يعني تعرفه كويس و تعرف ان هو ده صاحبك اللي بجد مش مجرد اسم
Wish I were a Butterfly
طيب ليه طيب كده حرمتينا من التعليق كل الفتره دي
بجد اسعدتيني بتعليقك علي مدونتي المتواضعه و اتفضلي الميوزيك زي م تحبيها
مفيهاش حاجة والله خديها زي م تحبي :)
أصل من يومين كده كنت عمال أقول الجملة دي في السرايا كتير أوووووي :D
علي فكرة البوست فكرته عالية جداً ...بس للي يفهمه كوس أوووي
بس انا مقتنع برده إني اللي أوحتلك بفكرته :d
محمود طه
والله مشوفتكش يابني بس وايه يعني اوحيتلي بيها اوحيتلي
يا سلام ده شرف ليا يا سيدي :)
Post a Comment